Popular Bible Verses from Luka 11

Share

Chiro mbu mutúla babi, si mutúla mwìshi kwêresa ebana benyu ebindu bya bikomire. Rero Eho wenyu ola ulí kwa nguba, kute àngafundwa kwêresa ba bénde bámwěma eMuchima Mubuya-buya?»

«Nanyi nábabura: Mundaa mwéma, eri mwèresibwa. Mundaa mwáhonda, eri mwàbona. Mundaa mwákongota, eri babáboorera elwisi.

Bushi chira mundu ola wěma, iwénde wêresibwa. No'la wáhonda, iwénde wábona. No'la wákongota, i'bénde bábooerera elwisi.

Yesu era kubabura mbu: «Mango mwéma Ongo, bacha ku mundaa mwáteta: «‹Tata, esina lyao líye ngulu! Ebwimi bwao bubáhaa!

Úndaa wátubabalira ebibi byetu, bushi netu twénde twábabalira boshi ba bàtuiririre emabi. Uténdaa wáreka twěngirire mwa muereko.›»

Úndaa wátweresa ebiryo byetu bya chira lusuku.

Emeho li'tara lye'mubiri. Akaba emeho mao machíri màtungenene, emubiri wao woshi ánaba mwa bulangare. Si akaba emeho mao màngalaka, emubiri wao nao ánaba mwa musimya.

Yesu era kuhuba kuteta mbu: «Kutali mundu ola wénde wákoresa etara chasinda ánalibisha, nesi ánalifunyikira ne'chitonga. Si énde ábika'li kwa kakondo, chasiya ebandu ba bêngira mwa nyumba balóle kwa bulangare.