Popular Bible Verses from Luka 22

Share

«Tata, akaba wáhonda, ene ngumbu ya mano malibuko, uyêkaa bure nanyi! Si chiro bacha, bìtabaa ngo'kwa náhonda, si ekuhonda kwao ku kubaa.»

Si nàkwěmeraa, chasiya ùtarekaa ebwemeresi bwao ku nyono. Nao mango ungáhuba kunyáalukira, usésaa banyakenyu emichima.»

Era nyuma se'bi, Yesu era kutola emukati, era kuteta mbu akoko era mwa Ongo, era kuisha muo na êresa'o ebanafunzi* bai. Era kuteta mbu: «Onola i'mubiri wanyi ola wànyirwe bushi nenyu. Ku mundaa mwáira bacha kwa kunyikéngera.»

Ábere bera bamálaa kulya, kanji Yesu era kutola engumbu, era kuberesa'i na áteta mbu: «Ene ngumbu chìri chilaano chiyayaya* kurengera emikira yanyi, era ingásheshekala bushi nenyu.

Yesu ábaa àli mu businane bunene busese, era kunaendekera éma Ongo na bushiru bunene. Echuka cha chábaa chámutenga'ko, chera kuba nga mimata ya mikira, era yábaa yátowangira kwa chitaka.]

Si mwabo, muténdaa mwáira bacha. Emundu ola ulí mukulu-kulu kurenza balikabo, ěmire kuba nga i'mueke. No'la wèmangirire ebanji, ěmire kuba nga i'muanda.

Yesu nai mbu: «Petero, nákubura kwa lwarero era muhondo eluasi lùtasa kubika, ungába wànyinana kahatu mbu ùtanyîshi.»