Popular Bible Verses from Matayo 6

Share

Mundaa mwáhonda tanga eBwami bwa Ongo*, na kuhonda bya bìtungenene era muhondo sai, nai angáberesa ebi binji byoshi.

«Bushi no'ku, muténdaa mwáchǎnya bushi ne'bya bingába mishangya, bushi ebyera, bingáchihonda byeine. Chira lusuku, lunéte emai malibuko.»

«Bushi no'ku, nábabura kwa muténdaa mwáchǎnya bushi ne'kalamo kenyu mwa kuchibusa mbu: ‹Chi tungálya, chi tungámwa, nesi chi tungémbala?› Si ekalamo, ku kète mufa kurenza ebiryo! Ne'mubiri, iwète mufa kurenza enjimba!

Si woyo mango wáhonda kwéma Ongo, wěngiriraa mwa chumba chao, wánachinga elwisi, wánere wéma Eho ola ùtaseneke'ko. No'yu Eho, i'ùsene kwe'bya wáira weine, angákwemba.

Rero, bacha ku mundaa mwéma: ‹Ongo Tata u'ùli kwa nguba, esina lyao líye ngulu. Ebwami bwao, bubáhaa. Ekuhonda kwao, ku'kwindaa kwánaba muno butala, ngo'kwa nguba.

Utwêresaa ebiryo byetu bya chira lusuku.

Úndaa wátubabalira ebibi byetu, ngo'kwa netu twénde twábabalira ba bénde bátukorera emabi.

Uténdaa wáreka twěngirire mwa miereko, si úndaa wátutabala ku Wamusimu. [Bushi woyo, u'ena ebwami, ne'buashi, ne'ngulu, esuku ne'mango! Bibe bacha!]›»

Yesu era kuteta kanji mbu: «Akaba mùngende mwábabalira ebanji emabi ma babákorere, Eho wenyu ola ulí kwa nguba nai àngabababalira.

Mulólaa kwa milonge! Ìtainga, ìtashebula, ìtatusa na nguli. Si chiro bacha, Eho wenyu ola ulí kwa nguba, énde ánalisa'i. Rero mwabo, kasi atá mumwète mufa munene kurenza ei milonge?

Yesu era kuhuba kuteta mbu: «Muténdaa mwáchibikira ebuare muno butala, bushi ekaembe ne'luhwarenge byénde byákumbya'bo. Ne'besi bénde bátula enyumba na bêba. Si mundaa mwáchibikira ebuare kwa nguba, bushi okola kweke ekaembe ne'luhwarenge bìtangaala kukumbya, ne'besi bàtangaala kutula na kwiba. Bushi ala bikulo byao bìri, we'muchima wao nao énde ánaba.»

«Kutali mundu ola ùngaala kukorera ba enawabo babiri. Bushi kuika anáhombe muuma ánasima eunji. Nesi àngaba luuma-luuma na muuma, na kukena eunji. Mùtangaala kukorera Ongo, mukórere ne'bikulo.»

Ebichi byo'mwe'hwa byénde byálorekana'ko lwarero na mishangya byánaumwa mwa muliro. Si chiro bacha, Ongo énde émbasa'bi njimba sa sikomire. Rero kute atáběmbase kubuya busese, mu'bandu be'bwemeresi bueke?

Si woyo mango wáasa ebakene, emino yao ye'marembe iténdaa yámenya cha'ye'malyo yáira. Rero amu mabuya, úndaa wámaira mwa bubisho-bisho, n'Eho wao i'ùsene mwa bubisho-bisho kwe'bya wáira, angákwemba.»

«Muményaa! Muténdaa mwáira emabuya era muhondo se'bandu chasiya muchilose era muhondo sabo. Bushi múkaira bacha, kutachiri lwêmbo lusibya lwa mungábona era mw'Eho wenyu ola ulí kwa nguba.

«Mango mùli mwa memo ma ménde máirwa busira kulya, muténdaa mwáchilosa nga ba basínanyire ngo'kwe'batebanyi bénde báira. Bushi beke, bénde básinya ebuso bwabo, chasiya balóse ebandu kwa bàli mwa'mu memo. Kubinali, nábabura kwa bàbonyire elwêmbo lwabo mira. Si woyo, mango ulí mwa'mu memo, úndaa wôwa era buso, wánasanura ne'mviri sao, ebandu bangesha kumenya kwa kasi ùli mwa'mu memo. Si oyu mwasi, anêshibwe n'Eho wao ola ùtaseneke'ko. No'yu Eho i'ùsene kwe'bya wáira weine, angákwemba.»