Popular Bible Verses from मर्कुस 10

Share

क्‍यालाइकि मान्‍सको चेलो सेबा पाउनाइलाइ हइन, तर सेबा अद्‍दलाइ रे भउतइका छुट्‍काराकि निउति आफनो परान दिन आया हो।”

इसुले तिनुलाइ हेरिबर भुन्‍यो, “मान्‍सकि निउति यो असम्‍भब छ, तर परमेस्‍वरकि निउति असम्‍भब आथिन्‌, क्‍यालाइकि परमेस्‍वरकि निउति सप्‍पइ कुरा सम्‍भब छ।”

रे इसुले तइलाइ भुन्‍यो, “जा तेरा बिस्‍वासले तुलाइ धेक्‍द्‍या बनाया छ।” तबइ तुरुन्‍तइ त्‍यो आखाँ धेक्‍द सक्‍द्‍या भयो रे इसुका पाछापाछा लाग्‍यो।

तेइभइबर परमेस्‍वरले जइलाइ एकसित जोडिराइछन्, मान्‍सले तिनुलाइ जनछुटाउन्‌।”

इसुले तइलाइ हेरिबर प्‍यारो अरि भुन्‍यो, “तुइलाइ अज एक कुराको खाँचो छ। जा, रे तुइसित ज्‍या जति छन् सप्‍पइ बेचिबर गरिबलाइ दे, रे तुलाइ स्‍वर्गमि सम्‍पति मिल्‍या छ। रे आइबर मेरा पाछा लाग्‌।”

इसुले तइलाइ भुन्‍यो, “तु मुबटहइ क्‍या चाहान्‍छइ, मु तेरि निउति क्‍या अरदिउँ?” तइ आखाँ नधेक्‍द्‍या मान्‍सले उनुलाइ भुन्‍यो, “गुरु जि, मु आखाँ धेक्‍द सकु।”

तमुमि तसो हुनुहुनइन्‌। तर तमुमि जइले ठुलो हुन्‍या इछ्‌या अरन्‍छ त्‍यो सप्‍पइको सेबा अद्‌द्‌या हुनपणन्‍छ।

साँच्‍चि मु तमुलाइ भुन्‍नउ, जइले परमेस्‍वरको राज्‍यलाइ एक नाना बालखले जसेरि सुइकार अद्‍इन्‌, त्‍यो कइलइ तइभित्‍तर पस्‍या आथिन्‌।”

तर भउतइ अगिल्‍ला हुन्‍या पछिल्‍ला, रे पछिल्‍ला हुन्‍या अगिल्‍ला हुन्‍याछन्।”

तर सिरिस्‍टिका सुरुबटहइ परमेस्‍वरले मान्‍सलाइ स्‍वाइनि रे बइकान अरि बनायो। ‘तेइभइबर बइकान मान्‍सले आफना इजा रे बालाइ छडिबर आफनि स्‍वाइनिसित मिलिरन्‍छ, रे तिनु दुयइ जना एकइ सरिल हुनाछन्‌।’ तिनु दुइ हइनन्‌, तर एकइ सरिल हुन्‌।