Popular Bible Verses from लुका 3

Share

एक दिन स्‍हबै मान्‍ठहरुले बप्‍तिस्‍मा ल्‍हिनैछिया इसुले पुनि बप्‍तिस्‍मा लिया र तिनुले प्रार्थना गरिरया छिया तेइबेला सोर्ग उग्‌रियो, र पबित्‍त आत्‍मा ढुकुरको रुप ल्‍हि उनु माथि आयो अनि सोर्गबाट यइथो डाको आयो, “तुमि मेरा प्‍यारा छोरा हौ, तुमि स्‍हात मु मस्‍थै खुसि छु।”

तेस्‍हो भया हुनाले युहन्‍नाले स्‍हबैकन भुन्‍या, “मु त तुमिहरुकन पानिले बप्‍तिस्‍मा दिन्‍छु। तर मुभुन्‍दा ठुला एक जुना आउँदैछुन्। मु त तिनुका पौलाका तुना फुकाउन्‍या जैइथै पुनि नाइ। उनुले तुमिहरुकन पबित्‍त आत्‍मा र आगाले बप्‍तिस्‍मा दिन्‍याछन्।

स्‍हाँच्‍चि तुमिहरुले आपु पापि हुँ भुनि आम्‍नो मुन परमेसोर तिर फर्कायौ भुन्‍या तेइ उन्‍सार चल्‍न्‍या गर। तर ‘हामि अब्राहामका स्‍हुन्‍तान हौ’ भुन्‍नैमा तुमिहरु उम्‍कुन्‍छौ भुनि नस्‍हुच। मु तुमिहरुकन भुन्‍नाछु, परमेसोरले ढुंगाबाट अब्राहामका स्‍हुन्‍तानहरु जुन्‍माउन पुनि स्‍हक्‍ताछुन्।

रुखहरुका जडामै बुन्‍चरो पडि स्‍हक्‍याछ। यइबिअ राम्‍मो फल नदिन्‍या स्‍हबै रुख ढालिन्‍याछुन्, र आगामै फालिन्‍या छुन्।”

यइथैगरि परमेसोरको रैबार ल्‍याउन्‍या यसैयाले धर्मसास्‍त्‌रमै युहन्‍नाको बारेमै लेख्‍याछ, “रुखो ठाउँमै एक जुनले ठुलो डाको गाड्‌डै भुन्‍यो, ‘परमप्रभुको बाटो स्‍हपाड, उनुको हड्‌न्‍या बाटो स्‍होज्‍याउ। स्‍हबै खाल्‍टा-खुल्‍टि पुरिन्‍याछ, डाँडा-काँडा स्‍हुम्‍याउन्‍याछ, घुमाउटो बाटो स्‍होज्‍याइन्‍याछन्, र अप्‍ठारा बाटा स्‍हजिलो हुन्‍याछन्। अनि स्‍हबै मान्‍ठले परमेसोरको मुक्‍ति देख्‍न्‍या छुन्।’”