Popular Bible Verses from Lukas 14

Share

Nge pu na gumue, ngu te ja ku ngaje, nde ina tonda she na hina nomukiintu naamuahina ajeshe nojana nomuenjo gue muene, otsho tuu ita vuru okukara omurongua guandje.

Ngu iti itsike omutshigakano gue a randure ndje, ita vuru okukara omurongua guandje.

Oshoka keshe tuu ngu ti inenepeke, ota tshonopekua, ngu ti itshonopeke, ota nenepekua.

Tsh’otsho tuu kakuna mokati keni, ngu ta vuru okuninga omurongua guandje, ng’ina tonda ajishe, mbi e na.

Oshoka: ore mokati keni, ng’a hara okutunga ondjugo onde, ita kaatumba tango, a jarure ajishe, mbi a pumbua, nokutja nge ja guana okuhitunga po ciru ha pua? Aantu kaa mu njane, mba je uete nokutja okua tameka, ndere ita vuru okutsakanica ondjugo ndji. Ja tje nandekuri: Omuntu nguka a tameka okutunga, ndere okua njengua okuhishurica.

Ndere nge to shiji otshiriro, icana aaheheri niingonue niirema naaposi. Nde nguee to kara u nerago, oshoka itaa vuru okukufuta, nguee to ka futua mejumuko rja mba ju uka.

Omuongua otshinima otshiuanaua. Ndere omuongua ng’ogua z’uutouarero uago, otagu touarekua ue na tshike? Kagu kuacera ue meputa no mushosho, otagu ekeruashi ike. Ngu e nomakutsi kokuuva, nu uve ko.