Popular Bible Verses from Markus 6

Share

Ndere he ta ti ku jo: Ireni, tu ikarere pu iri, ne mu vururukue katshona, oshoka mba je ja na mba ja hi, oja ri ojendji, jo inaa mona ecimbo rjokurja.

Jesus ta ti ku jo: Kapena mpoka omuprofeti ta kara ta simanekua, ndere motshirongo tshaandjauo no megumbo rje no mokati kaakuauo nandookuri.

Ano Jesus sho ta zi mo mosikepa, oku uete ongundu onene haantu, he te ja sir’oshenda, oshoka oja ri ja f’eenzi kadi nomusita, nde ta shimbike okujaronga eehapu odindji.

Mpaka ina pondora okuronga iironga iikumici; aavu aatshon’ike a tenteke omake, nde te ja panga. Okua kuminua uukukutu uauo, oshoka kaa nehiteero nande. Ano ta hi meemukunda do muutshiinda a ka ronge.

H’ota kuca eemboroto di ntano neeshi mbaari, ta rigamene keguru, te di jambeke ta topora eemboroto, te di p’aarongua je, je di gandje. Tsh’otsho tuu eeshi mbaari te di toporere ajeshe. Ajeshe taa ri, jo taa kuta. Jo otaa toora uupambu, mbu u upa ko, iimbare omurongo niijari ju uda, nuupambu ueeshi.