Popular Bible Verses from Luk 11

Share

Amutou tamatamane selebanini, amutou goli a inigogona pagu makuba, moni amutou muada sele a bilii ne natatune amutou a golu doadoana. Maido me amutou muada sele ie, Tamane amutou na langi ei ni mongemonge a biliina Maolona Nunu na vanunua sou tagu i.”

“Maido me eau vei le amutou, mu tagu me ei ni bilii e amutou. Mu tilo, me namutou ite. Mu lalaba, me ei ni pee a tema ane amutou.

Sei ei tagu, ei ni guale, me sei ei tilotilo, ei ni ite. Me sei ei lalaba, Salemo ni pee a tema ane ei.

Me Iesu ei vei le sou maido, “Ilala amutou kaka, namutou vei maido, ‘Ouma, toe amiteu namiteu beilange a maolona aisamu. A niitealalena minio ei ni asu usinani.

Lilotase a sinusunusu mine amiteu, tomane amiteu oto amiteu lilotase a sinusu sou goli le amiteu. Me o no ma itetase lei a tinovona ni palea le amiteu.’”

Bilii e amiteu a gona inani seidei ie.

Matane oo ei a lada mina vovomu. Mane a matamu ei doana, de muada ei ni vonu na vovomu vuso. Moni mane a matamu ei pagu, io vovomu ni tunuui.

“Vanunua sou vaisoe a lada sou ma tau oovi ete a lada do lilo na taogo. Boa. Sou tautau muata na poso, ma vanunua sou gali ulilo ne sou ite a muada iedo.