Popular Bible Verses from Hechos 2

Share

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

ttu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ kkä̧rü̧'koppa toriri päia'a ä̧ju̧kui̧nä̧tü̧. Rü̧ȩnä̧ kkä̧rü̧'koppa ppüomȩnä̧ rä̧mi̧pä̧'i̧nü̧'a̧nü̧; rä̧mi̧pi̧na̧'a̧ ttü̧jo̧denä̧ o'kajuiyünä̧tä̧ pa̧ja̧kuä̧chü̧nä̧ 'kȩ'kȩ päi'ünä̧; ja̧'wa̧nü̧ päi'omȩnä̧ topäkuäwinä̧tü̧, ttu wä̧mȩ pünä̧ yotükupünä̧rü̧ okuriyä ppo̧ü̧ kka̧kuä̧ma̧'a̧, Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧. Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Dio-mä̧ pä'inü̧, rüjí mo̧ro̧ päi'omȩnä̧mä̧, pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧; ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü; ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü

O'katoi'ünä̧ Jesú-ru esetätümä̧ ji̧nä̧ ji̧yȩtȩnä̧ kka̧kui̧nä̧tü̧ ja̧'wa̧ta̧nü̧ rekuä rü̧jü̧'i̧nä̧ ji̧nä̧ ji̧yȩtȩnä̧tä̧ ppä'ädäkuäwinä̧tü̧. Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧.

O'katoi'ünä̧ Tü̧ä̧nä̧wa̧ i̧mi̧nä̧ jä'epü ajuäkuäwätümä̧, ra̧wä̧pi̧jü̧ttü̧ ttü̧ji̧pä̧kuo̧tü̧.

Mo̧ro̧ kkä̧wa̧'i̧nä̧ yo̧i̧'ä̧kua̧'a̧, yodó kkä̧wa̧'i̧nä̧ ttukuoja 'kua̧rü̧nä̧ kuokuäkua'a, Tu̧ru̧wa̧ ichü adiu jȩä̧kuȩ, ukuo mo̧ro̧ ä'kanä̧mä̧.