Popular Bible Verses from San Juan 1

Share

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

Ä̧kuo̧mȩnä̧tä̧ päi'ünä̧ kki̧na̧'a̧ i̧wȩnȩmä̧; ja̧'wa̧ta̧nü̧ i̧wȩnȩmä̧ Dio-kutä kki̧na̧'a̧ ja̧'wa̧ta̧nü̧ i̧wȩnȩmä̧ Dio ji̧na̧'a̧.

Jua̧u̧ tȩya̧u̧mä̧ yo̧mȩ kkȩdȩpa̧'a̧ ja̧'wa̧nü̧ ja̧'a̧ttü̧ yo̧ü̧mä̧ tȩya̧u̧ru̧mä̧ na̧wȩpü̧ juiyünä̧tä̧ ja̧'a̧.

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

Jua̧u̧nä̧tä̧tä̧, kka̧ku̧mä̧ o'kajuiyünä̧ aditinü̧, Jua̧u̧ toünä̧mä̧ aditokü ji̧nü̧. Jua̧u̧nä̧tä̧ kki̧na̧'a̧ a̧'kua̧rä̧kuä̧wä̧mä̧ ja̧'wa̧ta̧nü̧, jua̧u̧ a̧'kua̧rä̧kuä̧wä̧mä̧, ttü̧ja̧ tti̧tȩya̧u̧ ji̧na̧'a̧.

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧. Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.