Popular Bible Verses from San Juan 14

Share

Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

Ttü wedü wȩnȩ kku̧nä̧rü̧, ukuotümä̧, jua̧u̧ ja̧'a̧ ttürü eseu repe'ümä̧. Ja̧'wa̧nü̧ ttürü eseu repe'ürümä̧, Chä'o'i̧nä̧ eseu rȩpȩä̧kua̧; ja̧'wa̧ta̧nü̧ ttü'i̧nä̧ eseu repe'ü, jua̧u̧ru̧ chi̧jȩkuä̧kua̧sä̧.

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧; isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü. O'kajuiyünä̧tä̧, ttü chi̧mi̧nä̧ jäkuepätukumä̧, jȩchä̧kua̧sä̧.

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

Chä'o ojusodenä̧mä̧, kkä̧kuä̧wä̧ oduwiyämä̧ rü̧ȩnä̧ kka̧'a̧; ja̧'wa̧nü̧ jü̧ juiyüttümä̧ jidäwo̧ko̧u̧ pa̧ja̧tü̧jä̧. Ja̧'wa̧nü̧ ja̧'a̧ttü̧ ku̧jä̧tu̧kuä̧kuo̧mȩ aditü kku̧nu̧ 'chü̧sä̧

Ja̧'wa̧nü̧ ku̧jä̧tu̧kuä̧kuo̧mȩ aditü kku̧nu̧ i̧u̧ i̧wi̧pü̧'ka̧, pä'äjita'anü̧, ttütä ukuturu ȩmü̧ chi̧chä̧kua̧sä̧, ukutu'i̧nä̧ ttü chü̧jo̧mȩ ku̧ja̧kuä̧tu̧kuä̧kua̧'a̧nü̧.

Päomȩnä̧, Tomá-mä̧ pä'inü̧: —Chu̧ru̧wa̧, kui̧'cho̧mȩmä̧ jerupätüjä̧ ¿Toku tu̧wo̧juä̧kua̧'a̧jä̧ttü̧ jua'a mä̧nä̧mä̧?