Popular Bible Verses from San Juan 19

Share

Bettepäku, vino isoya a̧'toya au kä'ädü pä'inü̧: —O'kajuiyünä̧tä̧ jo̧mȩnü̧ päia'a. Pä'ü kä'ädü, U ja̧rȩyu̧nu̧ pä'i'ü, a̧'kua̧ru̧wa̧rü̧ iyü 'korupä'i'inü̧.

Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

Ja̧'wa̧nü̧ ja̧'a̧, Jesú-mä̧ ja̧ju̧ru̧ topü ja̧'wa̧ta̧nü̧ u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ topü pä'inü̧: —Isaju, kui̧tti̧mä̧ jua̧u̧ juȩnȩtä̧ kkü̧ ja̧'a̧. Pä'ü kkä̧nü̧ u̧wo̧juȩtä̧'i̧jä̧u̧rü̧, pä'inü̧: —Kua̧ju̧mä̧, juäjutä ja̧'a̧. Juorütä kkä̧mä̧dü̧ u̧mü̧wä̧ya̧ pä'ijümä̧, ja̧ju̧ juoepinä̧kua̧.

Ja̧'wa̧nü̧ ja̧'a̧nä̧ Jesú-ru 'tettäda pä'ü tti̧'chi̧'o̧mȩnä̧, täkü 'korupäi'äja'atä ji̧na̧'a̧ ja̧'wa̧nü̧ ji̧yä̧u̧ 'te'ädü ttikuokoku pinü̧. Ja̧'wa̧nü̧ ja̧'a̧nä̧, su̧ro̧do̧u̧ttü̧ ya̧tȩ, i'esubänä̧ dakuodänä̧ tawomȩnä̧, ukuojamä̧ ajiyakutä werächi'ina̧'a̧.

Isopäi'ünä̧ pi̧yȩmä̧ 'kuäopina̧'a̧, wȩyu̧kuä̧ wȩnȩ pa̧'a̧nü̧ päü'a̧kuä̧: «Iwe'kamä̧ 'tettädokä̧kua̧,» jü̧nä̧. Ja̧'wa̧ta̧nü̧ kkoromȩ'i̧nä̧ wȩyu̧kuä̧ wȩnȩmä̧ päina̧'a̧: «To̧ttä̧rä̧kuo̧tü̧ tattinä̧ku̧ru̧.»

Ja̧'wa̧nü̧ ja̧'a̧, Jesú-mä̧ ü̧jo̧kä̧ jäi wä̧do̧wä̧nü̧ 'chi̧nü̧, Calavera pä'ü mikuomȩku̧; hebreo tti̧wȩnä̧mä̧ Gólgota pä'ü mikuomȩku̧.

Ja̧'wa̧nü̧ jȩpü̧, su̧ro̧do̧u̧mä̧ unä̧, so̧u̧ttü̧ püttäwä juä'opü kku̧nu̧, wä̧mȩnä̧ ttü̧'ka̧ti̧nä̧ku̧ pü̧jä̧ta̧ tädünä̧ tu̧wä̧ta̧ttü̧.