Popular Bible Verses from San Juan 21

Share

Ttu̧kuȩ kuä̧nü̧ kättädomȩnä̧, Jesú-mä̧ Simón Peduru-rü pä'inü̧: —Simón ukú Joná i̧tti̧mä̧, ¿Pi̧yȩttü̧'i̧nä̧ abonä̧nü̧ repe'ü kuesewäkusä? Ädätinä̧ku̧: —A̧'a̧, Chu̧ru̧wa̧; ukutä wo̧jua̧jä̧, ukuru eseu repeda'amä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧. Ppa̧'ä̧di̧pü̧ jäepinä̧ku̧: —Simón, ukú Joná i̧tti̧mä̧, ¿Ttürü eseu repe'üjä̧? Peduru-mä̧ ädätinä̧ku̧: —A̧'a̧, Chu̧ru̧wa̧; ukuru eseu repeda'amä̧ wo̧jua̧jä̧. Päinä̧ku̧; —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧. Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.

Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

Jesú-mä̧ päinä̧u̧: —Woi'kattümä̧ ku̧wo̧jua̧'a̧ku̧nä̧ ikuätukui, jua'akuttü ku̧'o̧kui̧'ä̧kuo̧tü̧jä̧. Pä'äjita'anü̧ ttikuäja'amä̧, dottopü juiyünä̧tä̧ a̧mä̧ki̧na̧'a̧, po̧i̧ rü̧ȩnä̧ ttȩji̧pä̧ja̧'a̧.

Simón Peduru-mä̧ pä'inü̧: —Po̧i̧rü̧ wo'ü 'chü̧sä̧, Pä̧i̧yä̧u̧, juätü'i̧nä̧ pä'inä̧tü̧: —Ujutu'i̧nä̧ ukutäku ichätüjä̧. Ja̧'wa̧nü̧ pä'ü 'chä̧jä̧'kotü, woi'kanä̧ pȩjä̧mü̧ tti̧'cha̧ja̧'a̧nä̧; jua̧u̧nu̧ yodomä̧ yorisotä po̧i̧rü̧mä̧ wo'opokotü pinä̧tü̧.