Popular Bible Verses from San Lucas 6

Share

Iyätukui, ukuturu'i̧nä̧ iyäwi'äkua'anü̧. Isopäi'ünä̧ Dio-mä̧ kkorotürü kuiyätukuta'anü̧ i̧yä̧kuä̧u̧jä̧. Trigo kuiyätukuttumä̧, trigo ȩkä̧yü su̧'pȩnü̧, ti̧'ä̧dü̧ ȩnä̧wa̧'a̧ iyäwi'ä̧kuä̧u̧jä̧, ȩmü̧mä̧ kui̧'chä̧tu̧kuo̧'ka̧'a̧nä̧tä̧.

Ttü̧ja̧sa̧ adiwä i̧sa̧mä̧, a̧mi̧so'kittümä̧ adiwäjueitä rä'epü. Ja̧'wa̧ta̧nü̧ ttü̧ja̧sa̧ su̧ro̧pa̧mä̧, a̧mi̧so'kittümä̧ surojütä rä'epü. Jua'amä̧, a̧mi̧so'kinä̧ ȩjü̧tä̧tä̧, änä̧mä̧ räopa'a ukuoku.

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

Ukutu'i̧nä̧ rȩrü̧jü̧ topätukui, Kuä'o Dio-tuku'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

Surojü jȩttü̧mä̧ päkuätukuä, ukuturu'i̧nä̧ surojü jȩ'kuä̧tu̧ku̧ Dio päü juiyäkua'anü̧. Usurä ttȩmä̧u̧nä̧ päkuätukuä, ukuturu'i̧nä̧ usurä kuȩmä̧wä̧tu̧ku̧nä̧ Dio päü juiyäkua'anü̧. Pärokua'aku mikuämä̧ kuamükuädätukuä, ukuturu'i̧nä̧ pärokua'aku mikuä, Dio amükuädü juiyäkua'anü̧.

Ja̧'wa̧nü̧ ja̧'a̧nä̧ ttü pädü ä̧ju̧kuä̧tü̧rü̧, pä'üsä: Kuaboiyotürü repe'ätukui, ukuturu kkü'kokotürü adiu jȩpä̧tu̧kui̧. Adiutä pä'ätukui, ukuturu suronä̧ pä'ätürü. Ja̧'wa̧ta̧nü̧ ukuturu wȩnȩ kkä'äbe'ätürü, Dio-rütä ukuokuätukuitü.

Ukuturu kkorotü jȩttä̧tu̧kua̧ku̧ päkuätukumä̧, ukutu'i̧nä̧ jȩpä̧tu̧kui̧.

Ya̧tȩ kui'ä pätekua'anä̧ kuäüttümä̧, kkara'anä̧ iyäwirü; ja̧'wa̧ta̧nü̧ wä̧mȩnä̧ ku̧'ka̧tä̧wä̧ta̧ 'choipüttümä̧ jakuänä̧ ku̧'ka̧tä̧wä̧ta̧'i̧nä̧ iyirü. Kkorojuei ya̧tȩ jäepüttümä̧, iyirü; kuiäre ya̧tȩ ȩmi̧pü̧ttü̧mä̧ ppa̧kuä̧dä̧rü̧.

Dau adiwäjuei isäi ja̧'a̧nä̧ u̧wä̧ju̧ surojü wȩjäimä̧ yoriso juiya'a. Ja̧'wa̧ta̧nü̧ dau suräjuäi isäi ja̧'a̧nä̧ u̧wä̧ju̧ adiwä juei wȩjäimä̧ yoriso juiya'a.

Dauwiyämä̧ jíkunä̧, u̧wä̧ju̧ttü̧ topü wo̧juä̧wä̧tü̧jä̧. So̧u̧ dauttumä̧, uwa wȩja̧'a̧mä̧ ȩmä̧wo̧kü̧ ja̧'wa̧ta̧nü̧ higo wȩja̧'a̧ 'to'ümä̧ kuokotüjä̧.