Popular Bible Verses from Лука 13

Share

«Сембе виень путозь варжасть сувамс тяйня ортава, сяс мес, корхтан тейнть, ламотне тяряфтыхть сувамс и аф сувавихть.

Тоса ульсь кичкорготф ава, сон прокс ашезь машта видемомс. Авать эсонзоль аф ару ваймопожф, кона кемгафксува киза кирдезе сонь урмапотмоса. Иисус няезе сонь, тердезе малазонза и мярьгсь: «Ава, тон мянеть урмацень эзда».

Сон путозень лангозонза кядензон; авась эстокиге видемсь и кармась шнамонза Шкайть.

Эста ламотне, конат тяни мекольцет, улихть васенцет, и ламотне, конат тяни васенцет, улихть мекольцет».

Сай пинге, мзярда кудазорсь стяй и пякстасыне кенкшнень, и эста тинь, уша ширеса ащезь, карматада чакама кенкшти и корхтама: "Азор! Азор! Панчк тейнек!" Но Сон мярьги каршезонт: "Аф содатядязь, китяда и костоннетяда тинь".

Аф, корхтан тейнть. Но аф шарфтондярятада Шкайти, сембе юматада, кода синь».

Но Сон мярьги: "Корхтан тейнть: аф содатядязь, китяда и костоннетяда тинь; ворьда маластон сембе тинь, зиянонь тиендихне!"

Иисус мярьгсь: «Мезень лангс шары Шкаень Оцязорксшись, мезть мархта ладяса? Сон шары горчицань видьмоняти, конань ломанць сявозе и озафтозе перезонза; сон кассь, арась оцю шуфтокс, и нармоттне тиендсть тарадонзон ёткс пизот».