Popular Bible Verses from Ин 4

Share

Йымы – тидӹ Шӱлӹш, дӓ Тӹдӹлӓн кымалшывлӓ Шӱлӹш доно дӓ лачок доно кымалшашлык ылыт».

Но жеп шоэш дӓ ӹнде толынат шон, кынам тӧр кымалшывлӓ Ӓтялӓн Шӱлӹш доно дӓ лачок доно кымалаш тӹнгӓлӹт, техень кымалшывлӓм Ӓтя Ӹшкӹлӓнжӹ кӹчӓлеш.

А кӱ Мӹньӹн пумы вӹдӹм йӱэш, тӹдӹ нигынамат йӱмӹ шомым ак пӓлӹ лиэш. Мӹньӹн пумы вӹдем тӹдӹн кӧргӹштӹ курымаш ӹлӹмӓшӹш йогышы вӹд важ лиэш».

Иисус келесен: «Йымын мам пумыжым дӓ тӹнь гӹцет кӱ йӱӓш ядмым пӓлет ылгецӹ, тӹнь Тӹдӹ гӹц ӹшке ядат ыльы, дӓ Тӹдӹ тӹлӓнет ӹлӹшӹ вӹдӹм пуа ыльы».

Иисус нӹнӹлӓн келесен: «Мӹньӹм Колтышын шанымыжым ӹштӓш дӓ Тӹдӹн пӓшӓжӹм шокташ – Мӹньӹн качкышем.

Ӹдӹрӓмӓш Тӹдӹлӓн попен: «Пуры эдем, каштал нӓлӓш Тӹньӹн нимаэтӓт уке, а вӹдсӹнзӓ келгӹ. Кышец Тӹнь ӹлӹшӹ вӹдшӹм нӓлӓт?

Ӹдӹрӓмӓш манын: «Мӹнь Христос манмы Мессийӹн толшашлык гишӓн пӓлем. Кынам Тӹдӹ толеш, мӓлӓннӓ цилӓ увертӓрӓ». Иисус келесен: «Тидӹ Мӹнь ылам, тӹнь донет попышы».

«Кедӓ, мам ӹштенӓм, цилӓ мӹлӓм келесӹшӹ Эдемӹм анжалда. Тӹдӹ Христос агыл вӓл?»