Popular Bible Verses from Улон-вылон 25

Share

Кузё-Инмар солы шуиз: «Кык выжыос тон пушкын, кык пӧртэм калыкъёс тынад пушкысьтыд потозы; одӥгез калык мукетызлэсь кужмогес луоз, бадӟымез пиед покчиез вылэ ужаса-тыршыса улоз».

Соку Исав Иаковлы шуиз: «Вай мыным гордзэ сиыны, таизэ гордзэ; мон жади ук». Та бордысен солы ним сётэмын: Едом.

Исаак Кузё-Инмар азьын [Ревекка] кышноез понна вӧсяськиз, уго со нуны вайыны быгатӥсьтэм вал; Кузё-Инмар солэсь куремзэ кылӥз: Ревекка кышноез нуны ваёно луиз.

Исав шуиз: «Тани мон кулӥсько, нырысь нуны луонлэн кулэез мар ке кадь потэ-а мыным?» Иаков [солы] шуиз: «Али ик мон азьын кыл сёт». Исав Иаков азьын кыл сётӥз, озьы [Исав] нырысь нуны луон правозэ Иаковлы вузаз.

Со бӧрсьы выныз потӥз – Исавлэн пыдтыш бордаз кутӥськыса; солы Иаков ним сётӥзы. Исааклы, Ревеккалэн пиосыз вордскыку, куатьтон арес вал.

Исаак Исавез яратӥз, уго Исавлэн кутэм кыр пӧйшуръёсызлэн сӥльзы солы ческыт потэ вал; нош Ревекка Иаковез яратӥз.