Popular Bible Verses from João 15

Share

Aská earo uva kaya, matoro ẽ meãrasĩ. Yora enõ txiwásho nii, ea anõ txiwásho nii nõ avévakĩro, vimivaĩkatsa. Aaro awesáma, eamaro mato akátĩpá.

Ea txiwásho shokostsoma. Ea matomẽse txiwásho ẽ nioskatsa. Uva meã ãwẽ kaya txiwámashoro, arí vimisma chinãtsoma. Mato askásevi aa ikítõ ikí, enõ mã txiwámaro, mato vimiotĩpásevi.

Aská enõ txiwásho ẽ vana anõ akí mã shokoro katseki ea mã yokáa ivorasĩ Yové Koĩni mato inãkatsa.

Aská matomarívi ea kavẽya. Eã mato ẽ kavẽchnárvi, enéimai mã vimivaĩnõ iinã. Anõsho katsése enõsho mã yokak imaĩnõ ẽ papã mato ashõkatsa.

Yora wetsa anõpai yoramẽ ãwẽ noíro neská, ãwẽ avé takéa anõsho vopiya.

Meã wetsa enõ txiwásho niá vimisma ivoro ẽ papã shatemtsãwa. Askámaĩnõ meã ravé vimiyasmẽkĩ vosta amíska, ãtsapái ave vimikaĩónõ iinã.

Aská rama ‘neskátsoma’, ikĩ vana mato ẽ eneshoá. Ea matomẽ ẽ noíatõsevi ikí marímamẽ noínanãótsoma.

Mã askái vimi ãtsaa oĩinã, ẽ papa yorã oĩtati ivo shovikatsa, anõsho ẽ ‘shokõkenavotserã’, ikĩ chinãsho mato oĩkatsavo.

Askávai vanaói. “Earo vaná uva koĩ ivo. Ẽ paparo aa vesoya.

Askámaĩnõ, enõ txiwásho niámaro, iwi meã shatevaíki atõ õtxia shanatõ ikatsai. Aská ivorasĩro kãtxinivaíki kooamtsãwavo.

Neskái ẽ vanaro ẽ metsá mã aya shokoti. Aaivo matõ metsáro anose kesoa ikatsai.

Aská ẽ papã esé vana askásevi, ea toĩsho anõ noí niátõ ikí ẽ esé vana mã toĩa ivoro enõ noí mã iskatsa.

‘Neskátsoma’, iinã mato tanamaónõ. Noínanãi shokotsoma.

Naa mai shavapashõ mato ivoshoro matomẽ noíkeãaivo askámẽkĩ matoro atonamarívi. Earvi mato kavẽchnáya. Askáshovísi mato ichnakatsavo.