Popular Bible Verses from Matayos 13

Share

Laakiin abuurkii ku dhacay carrada fiican waa dadka maqla warka wanaagsan oo fahma. Waxeyna soo saaraan boqol jibaar ama lixdan jibaar ama soddon jibaar in ka badan intii la beeray.”

Miraha ku dhacay qodxaanta dhexdoodana waa dadka maqla warka wanaagsan, laakiin welwelka noloshan iyo damaca taajirnimada ayaa baabi’iya warkii wanaagsanaa, wuxuuna noqdaa mirro la’aan.

Tusaalihii mirihii jidka geesihiisa ku dhacay waa dadka maqla wax ku saabsan warka wanaagsan ee boqortooyada Illaahey, laakiin aanan fahmin, waxaa u yimaada midka sharka leh wuxuuna ka qaataa warkii wanaagsanaa ee qalbigooda lagu beeray.

Abuurkii meesha dhagaxyada leh ku dhacay waa dadka maqla warka wanaagsan oo isla markiina si farxad leh ku aqbala. Laakiin iimaankooda oo aan sal adag lahayn dartiis, waxey sii jiraan waqti yar. Markii dhib iyo silac yimaado ereyga dartiisna, isla markiiba iimaanka wey ka laabtaan.

“Boqortooyada jannada waa sida maal beer dhexdeed ku qarsoonaa oo uu nin helay, farxad darteedna uu u qariyay, kadibna intuu wuxuu lahaa oo dhan iska gaday lacagtiina beertii uu maalku ku qarsoonaa ku gatay.

Kuwa kalana waxey ku dhaceen carro fiican, taas oo soo saartay inta u dhaxaysa boqol jibaar ama lixdan jibaar ama soddon jibaar in ka badan wixii la abuuray.

Iska daaya ha isla baxaan illaa waqtiga gurashada. Markii waqtigaas la gaaro ayaan kuwa beerta goynaya ku dhihi doonaa, marka hore gocondhada gooya oo xirmo xirmo iskugu xira si loo gubo, kadibna sarreenka soo gooya oo maqsinkeyga iigu keena.’ ”