Popular Bible Verses from खास चेलों 13

Share

अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।” अर जब ऊंकी उपवास प्रार्थना खतम ह्‍वे गै, त ऊंन बरनबास अर शाऊल पर हाथ रखी के आसीस देके बिदा कैरी।

“इलै, हे मेरा भै-बैंणो, हम इन परचार करद्‍यां कि, परमेस्वर का रैबर्या मूसा का दियां नियम-कानूनों का द्‍वारा तुम निरदोष नि ठैरि सकद्‍यां, मगर यीशु मसीह पर बिस्वास करण से ही तुम निरदोष ठैरि सकद्‍यां। अर जु कुई भि यीशु मसीह पर बिस्वास करदु, वे मनखि तैं हरेक पाप बटि माफी मिलदी अर ईं बात का बारा मा तुम जाणि ल्या।

किलैकि प्रभु न हमतै इन आज्ञा दिनी जन कि लिख्यूं भि च, “मिन त्वेतै दुसरि जातियों खुणि उज्याळु ठैर्युं च, ताकि तू पूरि धरती का लोगु खुणि बचयै जाण को द्‍वार बणि जा।”