Popular Bible Verses from खास चेलों 2

Share

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्‍वेके रौण लगि गैनी।

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

अर अचानक आसमान बटि हवा की बड़ी सुंस्याट जन आवाज ऐ, अर जख ऊ बैठयां छा उ पूरु घौर वीं आवाजळ भरी गै। तब ऊंतैं आग की तरौं भौत सरी जीब दिखैनि, जु की अलग-अलग ह्‍वेके हरेक मनखि मा ऐके बैठि गैनी। अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा। अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

परमेस्वर इन बुल्दु कि, ‘आखिरी का दिनों मा इन होलु कि, मि अपणी पवित्र आत्मा सब मनखियों तैं भरपूरी से दूयुलु, अर तुमरा नौना अर नौनि भविष्यबाणी करला। अर तुमरा ज्वान लोग दरसन दिखला, अर तुमरा दाना-स्यांणा सुपन्या दिखला।

अर सब बिस्वासी लोग मिली-जुली के रौन्दा छा, अर जु कुछ भि ऊंमा छौ वेतैं ऊ आपस मा बांटि देन्दा छा। अर ऊ अपणी जैजाद अर चीजों तैं बेचि के मिलण वळा रुपयों तैं ऊं लोगु मा बांटि देन्दा छा, जौं लोगु तैं जरुरत होन्दी छै।

पर जु कुई प्रभु को नौ ल्यालु, वेतैं बचयै जालु।’

अर प्रभु का वे महान अर अदभुत दिन का औण से पैलि, सूरज काळु अर चाँद ल्वे जन लाल ह्‍वे जालु