Popular Bible Verses from लूका 13

Share

यीशु न बोलि, “संगड़ा द्‍वार बटि जाणे की पूरि कोसिस कैरा, किलैकि मि तुमतै बतै देन्दु कि भौत सरा लोग भितर जाण चाला पर नि जै सकला।

अर उख एक जनानि छै जिं मा अठारा सालों बटि एक खबेस लग्यूं छौ, अर येन ईं जनानि तैं पूरि तरौं से कुबडी बणैयालि छौ। अर ईं वजै से वा सीदी नि ह्‍वे सकदी छै। अर यीशु न वींतैं देखि अर वींकू बोलि, “बेटी, त्वेतै ये रोग से आजाद किये जान्दु।”

तब वेन अपणु हाथ वीं जनानि पर रखी, अर तुरन्त वीं की कमर सीदी ह्‍वे गै, अर वा परमेस्वर कि बडै करण लगि गै।

अर सुणा, जु पिछनै छिन वु अगनै जाला, अर जु अगनै छिन वु पिछनै जाला।”

अर जब घौर को मालिक उठी के द्‍वार बन्द कैरी द्‍यालु, तब तुम द्‍वार का भैर खड़ा ह्‍वेके खखटै के बोलिल्या, ‘प्रभु, हम खुणि द्‍वार खोली द्‍या।’ तब उ तुमतै जबाब द्‍यालु कि, ‘मि तुमतै नि जणदु कि तुम कखा छाँ?’

नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्‍नि के ह्‍वे जाण।”

पर उ तुमकु बोललु कि, ‘मि तुमतै नि जणदु कि तुम कखा छाँ, इलै हे अधरमी लोगु, मेरा समणि बटि दूर ह्‍वे जा।’

यीशु न बोलि, “परमेस्वर को राज्य कै की तरौं च? अब मि वेकी तुलना कै का दगड़ा मा कैरुं? यू त लय्या का बीज की तरौं च, जैतैं एक आदिम न अपणा बगिचा मा बूति, अर जब उ बड़ु डाळु बणि गै, तब पंछि ऐनी अर वेका फौंक्यों मा ऐके अपणु घोल बणै।”