Popular Bible Verses from मत्ती 18

Share

किलैकि जख दुई या तीन लोग मेरा नौ से इकट्‍ठा होनदिन, उख मि ऊंका बीच मा होन्दु।”

मि तुम बटि फिर से सच्‍च बोन्‍नु छौं, अगर तुम मा बटि दुई लोग ईं धरती पर कैं चीज खुणि एक मन ह्‍वेके मंगला, त स्वर्ग मा मेरा पिता की तरफा बटि तुम खुणि उन्‍नि किये जालु।

तब वेन एक बच्‍चा तैं अपणा पास बुलै के ऊंका बीच मा खड़ु कैरी। अर बोलि, “मि तुम बटि सच्‍चि बोन्‍नु छौं कि जबरि तक तुम खुद तैं बदलि के एक बच्‍चा का सभौ का जन नि बणि जैल्या, तबरि तक तुम स्वर्ग का राज मा नि जै सकद्‍यां।

अर जु कुई अफ तैं ये बच्‍चा का जन नमर सभौ को बणालु, वु परमेस्वर का राज मा सबसे खास होलु।

अर जु कुई मेरा नौ से इन्द्रया एक बच्‍चा तैं स्वीकार करदु उ मितैं स्वीकार करदु।”

“मि तुम बटि सच्‍च बोन्‍नु छौं, कि जु कुछ तुम ईं धरती पर बन्द करिल्या, उ स्वर्ग मा बन्द किये जालु, अर जु कुछ तुम धरती पर खुलिल्या, उ स्वर्ग मा खुलै जालु।

“इलै अगर जु तुम मा बटि हरेक उ मनखि, जु अपणा भै तैं मन से माफ नि करलु, त स्वर्ग मा रौण वळु मेरु पिता भि तुमरा दगड़ा मा ठिक इन्‍नि करलु।”

फिर यीशु न अपणा चेलों कू इन भि बोलि, “अगर तुम मा बटि कुई भि यों छुटो तैं जु कि मि पर बिस्वास करदिन, अगर कै एक तैं भि पाप का बाटा पर लि जान्दु, त वे मनखि खुणि यू जादा ठिक च, कि वेका गौळा मा जंदरु डालि के वेतैं समुन्दर मा ढुळै जौ। मगर या सजा भि वे मनखि खुणि कम च, किलैकि इन्द्रया मनखि तैं येसे भि जादा खतरनाक सजा मिलण।

तब यीशु न ऊंकू इन भि बोलि, “तुम क्या सोचद्‍यां? अगर तुम मा बटि कै मनखि का पास सौ भेड़ हो अर ऊंमा बटि एक हरचि जौ, त तुम मा बटि इन्द्रयो कु च, जु ऊं निन्याणबे भेड़ों तैं छोड़ि द्‍यो, अर वीं एक हरचि भेड़ तैं खुज्याण का बानो पाड़ो पर चलि जौ?