Popular Bible Verses from मत्ती 2

Share

अर जब ऊ वे घौर मा गैनी, त ऊंन बच्‍चा तैं वेकी माँ मरियम का दगड़ा मा देखि। अर अपणा-अपणा थैलों तैं खोली के सोना, लोबान, अर गंधरस उपहार का रुप मा देके बच्‍चा को आदर-सम्मान कैरी।

यहूदिया मुलक को राजा हेरोदेस अन्तिपास छौ। अर ऊं दिनों मा ही यीशु को जनम यहूदिया मुलक का बैतलहम गौं मा ह्‍वे, तब पूरब दिसा का देसों बटि कुछ जोतिस यरूशलेम नगर मा ऐनी। अर पूछण लगि गैनी कि, “यहूदियों को राजा जैको जनम ह्‍वे, उ कख च? किलैकि हमुन वेको गैंणु देखि। अर हम वेकी भक्‍ति करणु कू अयां छां।”

अर जब ऊंन वे गैंणा तैं उख रुकद देखि, त ऊंकी खुशी को कुई ठिकाणु नि रै।

तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी। अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”