Popular Bible Verses from मरकुस 1

Share

अर दुसरा दिन सुबेर होण से पैलि, यीशु उठी अर एक निर्जन जगा कू चलि गै अर उ उख जैके प्रार्थना करण लगि गै।

अर वेन बोलि कि, “सुणा, बगत पूरु ह्‍वे गै अर परमेस्वर को राज नजदीक ऐ गै, इलै अपणा-अपणा पापों से पस्ताप कैरा अर ये शुभ समाचार पर बिस्वास कैरा।”

अर जब यीशु पाणि बटि निकळि, त तुरन्त वेन स्वर्ग तैं खुल्यूं अर पवित्र आत्मा तैं कबूतर का रुप मा अपणा मथि उतरद देखि। तब स्वर्ग बटि इन आवाज ऐ कि, “तू मेरु लाडलु पुत्र छैई, अर मि त्वे बटि भौत खुश छौं।”

अर मि त तुमतै पाणिळ बपतिस्मा देन्दु छौं, मगर उ तुमतै पवित्र आत्मळ बपतिस्मा द्‍यालु।”

अर एक दिन यीशु गलील की झील का छाला बटि ह्‍वेके जाणु छौ, त वेन दुई मछैर भैयों तैं झील मा जाल डलण देखि। तब यीशु न ऊंकू बोलि, “मेरा पिछनै आ, अर मि तुमतै मनखियों तैं पकड़ण वळु बणौलु।” अर यू शमौन अर वेको भै अन्द्रियास छौ। अर ऊ अपणा जालों तैं तुरन्त उखि छोड़ि के यीशु का पिछनै ह्‍वे गैनी।

अर वेको उपदेस सुणी के लोग दंग रै गैनी, किलैकि उ लोगु तैं शास्‍त्रियों की तरौं ना, बल्किन मा एक अधिकार पयां मनखि का जन उपदेस देणु छौ।