Popular Bible Verses from मरकुस 14

Share

अर वेन इन भि बोलि, “अब्बा, मेरा पिता, तुम बटि त सब कुछ ह्‍वे सकदु, इलै दुख का ये बगत तैं मेरा समणि बटि हटै द्‍या, तभि भि जन मि चान्दु उन ना, पर जन तुमरि मनसा च ठिक उन्‍नि हो।”

अरे, बिज्यां रा, अर प्रार्थना कना रा, ताकि शैतान तुमतै नि भकलौ, तुमरो मन त छैई च कि बिज्यां रा, मगर तुमरो सरील साथ नि देणु।”

अर मि तुम बटि सच्‍च बोन्‍नु छौं, कि पूरि दुनियां मा जख-जख ये शुभ समाचार को परचार किये जालु, उख-उख ईं जनानि तैं याद करणु खुणि ईं का ये काम का बारा मा बतये जालु।”

अर यीशु न ऊंकू बोलि, “मेरु ज्यू भौत दुखी च, इन लगणु च कि मेरु पराण निकळण वळु होलु। तुम इख रुका अर मेरा दगड़ा मा बिज्यां रा।”

अर जब ऊ सब खाणु खाणा छा, त यीशु न रुट्‍टी ले अर परमेस्वर को धन्यवाद देके तोड़ि, अर चेलों तैं देके बोलि, “ल्या, येतैं खा यू मेरु बदन च।”

तब वेन अंगूरों को रस को कटोरा उठे अर परमेस्वर को धन्यवाद कैरिके ऊंतैं दे, अर ऊं सभ्यों न वामा बटि पेई। अर वेन ऊंकू बोलि, “यू अंगूरों को रस मेरु ल्वे च जु भौत सा लोगु खुणि बुगये जान्दु। अर येका द्‍वारा पिता परमेस्वर लोगु का बीच मा एक नयू करार बणौन्दु।

तब यीशु न अपणा चेलों कू बोलि, “तुम सब मितैं छोड़ि के चलि जैल्या, किलैकि पवित्रशास्‍त्र मा लिख्यूं च कि, “‘मि चरवाह तैं मरलु, अर झुण्ड की भेड़ तितर-बितर ह्‍वे जालि।’

अब उठा अर इख बटि चला। देखा, मितैं पकड़वौण वळु नजदीक ऐ गै।”

अर यीशु न वेकू बोलि, “पतरस, मि त्वे बटि सच्‍चि बोन्‍नु छौं, कि आज रात ही मैर का दुई बार बसण से पैलि तिन मितैं तीन दौं नकारी देण।”