Popular Bible Verses from Joan 19

Share

Iisus imi vinad gupkaspäi i sanui: «Kaik om tehnus.» Hän sordi pän i pästi hengen.

Iisus tezi, miše kaik oli tehtud jo lophusai. Miše oliži kaik kut Pühiš Kirjutusiš, hän sanui: «Minai om jomannäl՚g.»

Konz Iisus nägišti, miše hänen mamaze i armaz openik seižuiba sigä, hän sanui mamaleze: «Naku om sinun poig!» Sid՚ hän sanui openikale: «Naku om sinun mam!» Siš aigaspäi nece openik pidi hol՚t Iisusan mamas.

Iisusannoks tuldes hö homaičiba, miše hän oli jo kolnu, i sikš ei katkaidanugoi hänen sär՚luid. Üks՚ saldat puski keihäl hänen bokha, i sišpäi sid՚-žo vodaškanzi vert i vet.

Muga tegihe, miše Pühiden Kirjutusiden sanad todenzuižiba: «Hänel ei sa mureta ni üht lud». A Pühiden Kirjutusiden toižes sijas sanutas: «Hö kacuba hänehe, keda oma pusknuded.»

Ičeze ristad kanttes hän tuli sijale, kudamb kuctihe Pämal՚l՚ansijaks, evrejan kelel nece om Golgofa.

Saldatad tegiba ternan barboišpäi vencan i paniba sen hänele pähä. Hö sädatiba händast purpuranrusktaha sädoho