Popular Bible Verses from Yohaanisa 19

Share

Yesuusi woyniya ganxi be7idi, “Poletis” yaagis. Hessafe guye, ba huuphiya ziqi oothidi ba shempuwa immis.

Hessafe guye, Yesuusi ubbay ha77i poletidaysa eridi, Geeshsha Maxaafan xaafetidaysi poletana mela “Tana saamees” yaagis.

Yesuusi ba aayiwunne I dosiya tamaarey yan eqidaysata be7idi, ba aayeko, “Ta aaye, ne na7aa haysa be7a” yaagis. Hessafe guye, he tamaariyako, “Ne aayiw hanno be7a” yaagis. He tamaarey iyo he wodepe doomidi baara daana mela soo efis.

Shin Yesuusako yida wode I hayqidaysa be7idi, iya tohuwa menthibookona. Shin wotaadaretape issoy iya miya tooran caddin iiraka suuthinne haathi goggis.

Hessi haniday Geeshsha Maxaafay, “Iya meqethatape issoyka meqenna” gidaysi poletana melasa. Qassika Geeshsha Maxaafay hara bessan, “Enti banta caddidaysa be7ana” yaagees.

Yesuusi ba masqaliya tookidi, “Huuphe guugge” geetetiya bessaa bis. “Huuphe guugge” guussay Ibraawetho doonan “Golgota” guussu.

Wotaaddareti aguntha kallacha medhidi iya huuphen wothidosona. Qassi zo7o ma7o iya mayzidosona.