Popular Bible Verses from Yohanes 4

Share

Mohotara iyohco Roh. Jadi, kokon dulun co nyembah Are sobulih nyembah Eh ponah Roh hintang nyembah Are sosuai ma ajaran co buah.”

Tapi daai angar dapot waktueh, malah ocop dapotbat waktueh, kawan dulun co tuu-tuu nyembah Mohotara Tama, iroh angar nyembah Are ponah Roh Mohotara. Iroh mahi angar nyembah Are sosuai ma ajaran co buah. Awi, Mohotara Tama nganyap kawan dulun co nyembah Are ma cara cioh.

Tapi sika dulun co ngorih danum co angar ihing Kuh indaieh, are aroko angar haus bat sokotahi-tahieh. Awi, danum co angar ihing-Kuh indaieh angar jarin isan muwun nyan ponah arop eh. Danum cioh angar horoholuh nalet hintang mihi are kobolum sokotahi-tahieh.”

Useh Yesus maeh, “Iko arinai monau aang co ihin Mohotara. Iko arinai nyono ome Are sobujur eh co nyawot korih. Amun iko monau kawan aang taiyoh, mositi iko leh co nyawot korih ingkan Are. Paluh, Are angar mihi indammu danum co mihi kobolum.”

Hien Yesus ma iroh, “Kanong-Kuh iyohco otuh: Nguan kojere Mohotara Tama co nyoruhan Akuh, iyohonon ngohut kokon gawi co ihi-Eh ma-Akuh.

Hien bawe cioh, “Tuan, Iko aroko empun emer. Sumur cotuh mahi korinah kojalom. Ingkan omohboh Tuan boraoi haba danum kobolum yoh?

Useh bawe cioh ma-Eh: “koraong kuh, bahawa Laca Co Tomonjanji Mohotara angar dombut, co tonisi ka Kristus; amun Are dombut, Are angar porapot kokon aang taiyoh ma kaih.” Hien Yesus maeh, “Akuhboh Are yoh, co dahat hopander ma iko.”

“Haas noto! Oko dulun co mantun ma akuh kokon aranaang co piji tongompiang kuh. Mainboh bodai Are yoh Kristus, Laca Co Tomonjanji Mohotara?”