Popular Bible Verses from Matius 23

Share

Malah, dulun co poko penting nyan halo ikan sobulih jarin polayan mu.

Mohotara angar porandah dulun co potamam arop. Tapi, Mohotara angar potamam kokon dulun co morandah arop.”

Colakaboh ikan kawan guru Hukum Torat hintang kawan dulun Parisi. Ikan pura-pura pio. Ikan mihi indan Mohotara sopuluh porsen ingkan hasir kokon imbun komulan dapot co pokongolik mahi tomasuk kawan dorampah, solasih, adas manis, hintang jintan. Tapi ikan aroko tuhit ma kawan porentah Mohotara ponah Hukum Torat co meleh penting. Iyohonon, ikan aroko sucing, aroko porahan komasi ma dongam, hintang aroko tenden tuhit ma Mohotara. Ikan porulu mihi porpuluhan. Tapi aroh dapot solingo kawan porentah taiyoh ka co penting!

Mohotara angar mohukum ikan kawan guru Hukum Torat hintang kawan dulun Parisi. Ikan pura-pura pio isan cangkir hintang pinjan co borasih hila luar eh leh. Tapi nyan ponah atoi me, ikan incah pongalam hintang jahat.

Paluh Yesus nohuang, “Ooo, kawan dulun Yerusalem. Ikan ngompatoi kawan nabi. Mohotara nyoruhan kawan dulun hia ikan, tapi ikan medak iroh ma batu dapot matoi. Akuh nyau horoholuh nyolindung ikan, samah isan pohok co nyolingom kawan anak eh nyan pinda ilat eh. Tapi, ikan kuloi.

Isanioh boh ikan! Ingkan luar ikan tonoto pio, tapi atoime sobujur eh jahat.