Popular Bible Verses from Markus 13

Share

Kokon dulun angar ngodolee ikan awi ikan iyohco murid-Kuh. Tapi kokon dulun co tenden botahan, horoholuh porocaya ma-Akuh, sukun ahir eh, iroh angar tonyolamat.”

“Ikan sobulih bojaga-jaga! Awi, ikan aroko monau ngantoarai ipat eh.

Hiah waktu ikan tonawan paluh tomehen hia pongadilan, aroh koatir tintun luang antun co angar me pokusit ika ngilang arop me. Awi, nyan kotika iyoh, Roh Mohotara angar mihi ikan luang antun. Jadi, waktu iyoh, bokon ikan co hopander, tapi Roh Mohotara nyan ponah ikan co hopander.

Porocayaboh antun-Kuh, awi oluco langit hintang tana angar lanyap, antun-Kuh mositi sumong kototahieh.

Tapi arelu oko dulun co monau ondo hintang jam eh Akuh dombut hopuli. Kawan molekat nyan sorga aroko monau hintang Anak mahi aroko koraoi ka. Baya Mohotara Tama leh co koraoi.”

Ikan angar ngoneh lotup ojat hintang tarung tintun ojat. Tapi aroh takut. Uras eh yoh sobulih tojadi. Tapi iyoh aroko borati dunia angar borahir ponah waktu co dokin.

Jadi, iroh sobulih bojaga-jaga awi aroko koraon doh ngantoarai tuan tempun lopo yoh angar hopuli, mungkin nyan cohit ondo, mungkin nyan bontung malom, mungkin hiah waktu ulak nyuap, atawa mungkin hiah waktu matanondo nyomput. Amun nongkocok are dombut, aroh dapot are sangkum iroh dahat tirui. Sanioh ka ma ikan. Ome co tomantun-Kuh tuh ma ikan, tomantun Kuh ka ma kokon dulun: Bojaga-jagaboh!”

Bangsa angar hokohojat ngolawan bangsa bokon. Nogara ngolawan nogara bokon. Nyan omoh-omoh angar oko dou onuh hintang gempa bumi. Tapi kokon aang taiyoh baya kotuhin ingkan kokon boncana co angar tojadi. Samah isan bawe co botohi nongkomo poroh hiah nyau nganak.

Tapi, Tarung Pio ingkan Mohotara yoh sobulih tonyebar houn hia kokon bangsa.

Awi orong dulun angar dombut co mongaku soolah-olah arop eh iyohco Akuh. Iroh angar mantun, ‘Akuboh Laca Co Tomonjanji Mohotara!’ Iroh angar nipu orong dulun.

Ikan sobulih ati-ati awi ikan angar tonawan paluh tomehen hia sidang pomimpin agama ika tomongadili. Ikan angar tomolantu nyan kawan lopo ika sombayang. Tului ikan iyohco murid-Kuh, maka ikan angar tomehen hia kawan ponguasa hintang kawan laca ika tomongadili ka. Tapi, ciohboh waktueh ika ikan bosaksi tintun Akuh.

Awi, angar oko kawan dulun dombut co mongaku soolah-olah arop eh iyohco Laca Co Tomonjanji Mohotara. Tapi iroh aroko bujur. Angar oko kawan nabi palsu ka. Kawan laca palsu hintang kawan nabi palsu taiyoh angar umpi kokon macam aang co mosotahir ika umpi dulun jarin sasat. Sompamaeh bodai iroh mahi nyau umpi kawan dulun co tomili Mohotara jarin tosasat ka.

“Opah kotika kawan siksaan taiyoh, matanondo angar jarin pindong, hintang bulan aroko nontang bat. Kawan potondu angar nokah ingkan langit. Kawan ponguasa nyan langit angar guncang.