Popular Bible Verses from LUKA 9

Share

Yi akabatôyela bungi bwabo ene, Ndo muntu mwoso akyeba kungulandudila, adinyanani mikyenci, acwali nkulusu anci ku dituku ku dituku, angulandudili.

Bwalo bwa muntu mwoso akyeba kupandisa môyo ănci unauncimisa ; mo muntu mwoso unancimisa môyo ănci ku mucwe ămene unaupandisa.

Mo Yisu akamutôyela ene, Kakuna muntu ndo amabaka kianca kienci ku lukasu yi amatebela kunyuma, amalelekyela yi bufumu bwa Ncembi.

Muntu amatetowa kiñani ndo amangata loboko luncimancima yi amadincimisa, ndo amadibwa mikyenci ku bwalo ?

Bwalo bwa muntu mwoso unangwombwela meme bundu, yi meyi amene bundu, Mwana a Muntu unamwombwela yei bundu palolwayi yi dikai dienci mikyenci yi dia Tete yi dia bangele ba babala.

Yi Yisu akamutôyela ene, Mibwabwa idi yi mena, yi nyonyi ya kulu idi yi maswa ; kaninga Mwana a Muntu kiena yi kidi kia kaladika mucwe ănci.

yi akabatôyela ene, Muntu mwoso unangata mwana you mubende mu dina diamene ungwangata meme ; yi muntu mwoso unangwangata meme amangata you akangutuma. Bwalo you udi yinenu bungi bwenu adika bubende, kayou udi munene.