Popular Bible Verses from लुका 11

Share

कदी तुहुं भुंडा हय्‌न बी तुंद्‌रा पुर्‌याक वारलु चीज आपणे जाणु, ती सरगेन बास आपणा मांगणे वाळाक चुखली-आत्‌मा काहा नी आपे? चु मांगणे वाळाक आपसे।”

मे तुहुंक कहो की, मांगसु ती तुहुंक आपसे। ने हेरसु ती तुहुंक जड़ी जासे। ने बारनो ठुकसु ती तुंद्‌रे वाटे उघड़ी जासे।

काहाकी जत्‌यार जु कुय मागंसे, ती तीनाक आपसे। जे कुय हेरसे ती तीनाक जड़ी जासे। ने जु कुय बारनो ठुकसे, तेरे वाटे खुली जासे।

ईसु तीनु चेलाक कह्‌यु, जत्‌यार तुहुं दुवा करु, ती तीनी टेमे असा दुवा करजु: ए भगवान बास: तारो नाव चुखलो मानायणु चाहजे; आखा माणसेम तारो राज आवणु चाहजे।

ने हामरा पाप काजे माफ कर, काहाकी हामु बी हामरा गुनेगार काजे माफ कर्‌या। अळी हामुक पारख मां घुण पाड़े।

दाहड़ीन, हामुक चाहजे ततरोत खाणो हामु काजे आप्‌या कर।

तुंद्‌रा आखान डीलेन दिवु तुंद्‌रा डुळा छे, हेरेसी तुंद्‌रा डुळा वारु देखे ती तुंद्‌रो आखो डील बी चुखो देखाये बाकुन जत्‌यार तुंद्‌रा डुळा वारु नी देखे ती तुंद्‌रो डील बी आंदारला मां छे।

कुय बी दिवु धपाड़ीन तळ घरेन सातायली जागा मां नी मेले, ने कांगणी तळे नी मेळे बाकुन दिवा काजे दीवाळ्‌या पर मेले, हेरेसी की घर मां आवणे जाणे वाळा काजे वीजाळो जड़े ने वारु देखाये।