Popular Bible Verses from लुका 24

Share

ने देखु तीना चुखली-आत्‌मान बारामां मारु बास तुहुंक आपणेन वायदु करलु छे। तीना काजे मे तुंद्‌रे उपर सरगे सी उतारीस ने जत्‌यार लग तुहुं सरगे सी ताकत हात नी करु ती लग तुहुं ईनात यरुसलेम सहर मां रवजु।

चु जां नी हय, काहाकी चु पछु जीवतु हय गुयु। जत्‌यार चु गलील सहर मां हतलु, ती चु तुहुंक काय कवलु? ची वात हेर करु!

तीने टेमे चेलान डुळा उघड़ी गुया। ने चे ईसु काजे उळखी लेदा, बाकुन ईसु तींद्‌रा डुळा अगळ सी अंछाप हय गुयु। ती चेला आंबा-सांबा जो कह्‌या, “जत्‌यार चु वाट्‌ये चालतु जाय्‌न हामरे साते वात करतेलु ने खरला सास्‌तुरेन वात देखाड़तेलु, ती आपणु जीव भळ नी कर्‌यु काय?”

ने तीनुक कह्‌यु, असोत लिखलो छे, की मसी दुख भुगतसे ने तीसरे दाहड़े मर्‌या-सर्‌याम सी पछु जीवतु हय जासे। जी खुस-खबर पेहले जां यरुसलेम मां माणसेक सामळावसे ने अळी आखा देसेन माणसे काजे सामळावसे। ने पाप भीणी सी मन फेरवीन भगवान भीणी वळनेन परचार तेरेत नावेन हवसे।

चे देख्‌या की बीड़ा वाळा चापर्‌यान दर पर देदलु दगड़ु, धकलीन एक धड़े हय रवलु। ने चे बायरा चापर्‌यान दरेन बारना मायन मसाण पर गुया, बाकुन मालीक ईसुन धड़ चां नी जड़ी।