Popular Bible Verses from 1 كورينتوس 3

Share

ءيس‑ور‑تسّينم ءيزد تيگمّي تامژلايت ن‑ربّي ا‑تگام، ءيزدغ گيگون رّوح ن‑ربّي؟

اشكو ءور‑يژضار يان ا‑يسرس كرا لّساس ياضني ابلا لّساس لّي‑يتّرسن، ا‑ت‑يگان د‑ياسوع لماسيح.

غوالّي ءيژّان ءولا غوالّي ءيسّوان ءور‑يگي يات. والاينّي ربّي، نتّان ا‑يسّمقّورن.

نكُّني نگا ويد تخدامنين د‑ربّي. ءيمّا كونّي تگام ءيگر ن‑ربّي، تگم تيگمّي لّي‑اس‑نبنّو.

را‑دي‑تبان‑تووري ن‑تبنّايت‑نس. اشكو تابنّايت ن‑كود يان را‑تّيارام س‑لعافيت غ‑واسّ لّي‑غ‑را‑د‑ياشك لماسيح. را‑تبان ءيس‑تدوس نغد ءوهو.

غوالّي ءيژّان د‑والّي ءيسّوان، يان اد‑گان. كود يان، راد‑اس‑يفك ربّي تيغراد‑نس ف‑تووري لّي‑يسكر.

ا‑ور‑اكُّ‑يجلّو يان ءيخف‑نس. وانّا ءيغالن ءيس‑يطّاف لعاقل ن‑دّونيت‑اد، ءيخصّا‑ت ا‑يوورّي زوند ءيغ‑ور‑يسّين يات باش ا‑يطّاف لعاقل ءيصحان.