Popular Bible Verses from يوحانّا 17

Share

ضالبغ‑ك ا‑تن‑تژّليت ءي‑يخف‑نّك س‑وژلاي لّحقّ. اوال‑نّك ا‑يگان لحقّ.

غمكاد ا‑تگا تودرت ءيدومن، ا‑ك‑يسّانّ كيّي لّي‑يگان ربّي لّحقّ، ءيسّانّ ياسوع لماسيح لّي‑دي‑توزنت.

«ءورد غويد كا‑ف‑ا‑كي‑تضالابغ والاينّي ضالبغ‑ك ءولا ف‑وينّا را‑سري‑يامن ف‑سّيبت ن‑واوال ن‑غويد. ضالبغ‑ك ا‑بابا، اد‑گن كولّو يان، غمكلّي نگا نكّي ديك يان. ضالبغ اد‑گن ءولا نتني يان ديدنّغ، باش اد‑وورّين امنّ ايت‑دّونيت‑اد، ءيسّانّ ءيزد كيّي ا‑يّي‑د‑يوزنّ.

ءور‑ا‑ك‑تضالابغ ا‑تن‑تسّيتّيت زغ‑دّونيت والاينّي ا‑تن‑تسّنتالت زغ‑يبليس.

لمجد لّي‑يّي‑تفكيت، فكيغ‑اسن‑ت، باش اد‑گن كولّوتن يان غمكلّي نگا يان، نكّي ديدسن ءولا كيّي ديدي. ريغ اد‑مونّ كولّو س‑تامونت ءيكمّلن، باش اد‑يسّانّ ايت‑دّونيت‑اد ءيزد كيّي ا‑يّي‑د‑يوزنّ، ءيسّانّ ءيس‑ا‑تن‑تّيريت غمكلّي‑يّي‑تّيريت نكّي.