Popular Bible Verses from याकूब 4

Share

जहेमारे अपनएके परमेश्वरके अधीनमे धरओ। शैतानको बिरोध करओ और बो तुमसे भाजैगो।

परमेश्वरके ढिँगै आबओ, तओ बा फिर तुमर ढिँगै आबैगो। हे पापीउ, अपने जीबनसे पापके दुर करओ, और बे आदमी जौन दुई मन बारे हएं, अपने हृदयके पबित्र करओ।

प्रभुके अग्गु नम्र बनओ, तओ बा तुमर आदर करैगो।

पर बा हमके अइसो खराब लालचके बिरुद्ध उठनके ताहीं औ फिर जद्धा अनुग्रह देतहए। जहेमारे पबित्र-शास्त्रमे लिखो हए, “परमेश्वर घमण्डीनको बिरोध करत हए, पर नम्र आदमीनके अनुग्रह करत हए।”

जहेमारे जौन फिर भलाइ करन जानतहए, और नाए करत हए कहेसे बो पाप करत हए।

तुम मागत हओ, तहुँफिर तुम नाए पातहओ, काहेकी तुम मोजमजा करनके ताहीं दुष्ट बिचारसे मागत हओ।

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

पर जा नाए जानत हओ, कि कल का होबैगो। तुम अपने जिन्दगीके बारेमे सोँचओ। तुम त एक घरी दिखाइ देन बारे और गाइब हुइजान बारे बाफ हानी हओ।