Popular Bible Verses from यूहन्ना 16

Share

मैहर ये गोएठ ला एकरे बर तुमन मन ले कहथो कि तुमन मन ला मोर ले शान्ति मिलही; संसार मे तुमन मन ला क्लेश होही, लेकिन हिम्मत बांधिहा, मैहर संसार ला जीत लेहे हो।”

लेकिन जब ओहर मने कि सत्य कर आत्मा हर आही त तुमन मन ला सत्य कर डगर ला बताही, काबर कि ओहर अपन कती ले नी कही, लेकिन जेला सुनही ओहिच ला कही, अउ आए के गोएठ ला बताही।

अब ले तुमन मन मोर नाव ले कुछ नी मांगे हा, मान्गिहा त पईहा, ताकि तुमन मन कर आनन्द हर पूरा होए जाही।

फिर मैहर तुमन मन ले सहिच कहथो कि मोर जवई तुमन बर बड़िया है, काबर कि अगर मैहर नी जाहू त ओ सहायक हर तुमन जग नी आही; लेकिन अगर मैहर जाहू त ओला तुमन जग भेजहु। अउ ओहर आए के संसार अउ पाप अउ धार्मिकता अउ न्याय कर बिषय मे सिद्ध करही।

ओहिच कस अब तुमन मन ला भी दुख है, लेकिन मैहर तुमन मन ले फिर मिलहु अउ तुमन मन कर मन हर आनन्द ले भईर जाही; अउ तुमन मन कर आनन्द ला कोनोच हर लुईट नी सकही। ओ दिन तुमन मन मोर ले कुछ भी नी पूछिहा; मैहर तुमन मन ले सहिच-सहिच कहथो, अगर दाऊ ले कुछ मांगिहा, त ओहर मोर नाव मे तुमन मन ला देही।

मैहर तुमन मन ले सहिच-सहिच कहथो कि तुमन मन रोईहा अउ बिलाप करिहा, लेकिन संसार हर आनन्द करही; तुमन मन ला शोक होही, लेकिन तुमन मन कर शोक हर खुशी मे बदेल जाही।