Popular Bible Verses from यहून्‍ना 3

Share

“कैसेकै परमेसर नै दुनिया सै ऐंसो पियार करो कै बानै अपनो इकलौतो लौंड़ा दे दओ, कै जो कोई उसमै बिसवास करै बौ नास ना होए, पर हमेसा की जिन्‍दगी पाय।

परमेसर नै अपनो लौंड़ा दुनिया मै इसताँई ना भेजो कै बौ दुनिया कै डन्ड की आगियाँ देए, पर इसताँई भेजो कै दुनिया उसके दुआरा मुक्‍ति पाय।

ईसु नै जबाब देते भए उस्सै कैई, “मैं तेसै सच-सच कैरओ हौं कै जब तक कोई नओ जलम ना लेए, तब तक बौ परमेसर के राज कै ना देख सकैगो।”

जो कोई बामै बिसवास करै है, बाकै दोसी ना ठैराओ जागो, पर जो कोई बामै बिसवास ना करै है, बौ दोसी ठैराओ जा चुको है, इसताँई कै बानै परमेसर के इकलौते लौंड़ा के नाम मै बिसवास ना करो।

और डन्ड की आगियाँ को कारन जौ है, कै जोती दुनिया मै आई है और आदमिऔ नै इन्धेरे कै जोती सै जादा अच्‍छो मानो कैसेकै उनके काम बुरे हे।

जरूरई है कै बौ बढ़तो जाय और मैं घटतो जांऔ।”

हर बौ आदमी जो पाप करै है, जोती सै नफरत करै है और जोती के धौंरे ना आवै है ताकि बाके पाप सबके सामने ना आ जाँय।

जो लौंड़ा मै बिसवास करै है, हमेसा की जिन्‍दगी बाई की है, पर बौ जो लौंड़ा की ना मानै है बाकै जिन्‍दगी ना मिलैगी, और परमेसर को घुस्सा बाके ऊपर बनो रैहगो।

और जैसे मूसा नै रेगिस्तान मै साँप ऊपर उठाओ, बैसेई आदमी को लौंड़ा बी ऊपर उठाओ जागो

अब्बा अपने लौंड़ा सै पियार करै है, और बानै बाईके हात मै सब कुछ दे दओ है।