Popular Bible Verses from Actes 1

Share

Aman Mèzhèɓ Zhiklè nkezlaʼa a shkè-hai a gèɗ kinè, kin da ngècè wuɗai, a kin ndi a ndohi malwuɗihi ga te kokwar Jérusalem, te kokwar Judée tèlèba, te kokwar Samarie, ha ndè a verzi herkeda.

Aman nengaʼa a ngaɗa ta: Ma kinè ka ɓai, aman kin shin patsaʼa a samaʼa, man Bi-Zhiklè a giaʼa, a wuɗi-Bi nengaʼa staɗgenè.

Pats ngiɗè, man ta a sam skwi nʼndai, a ngaɗa ta: Kin jèkeda kokwar Jérusalem ɓai, aman vo-zhor skwi Zhiklè, Bab kinè, man a mpasla kinè rai, ara man kin tsena te ma ga. Aman Jean a ngau baptême a iyam; aman te deɓ mʼmen kètè kin da ngècè baptême te Mèzhèɓ Zhiklè nkezlaʼa.

Te deɓ man a mʼmets na, a ngudoko ta va a dai mʼmèn 40, a ngreda ta na zhè a nshèffè, te skwi tsaɗ tsaɗ, a njè ta ma kokwar-Bi-Zhiklè.

Aman a ngoɗ ma haha, ta rka man a dè na, vani staɗ a ndzova a sam di ta.

Aman ta pi di a verzi nengaʼa, man a dè na zhiklè, na haha ndohi cèw a maslaka nslekaɗaʼa a va, ta zhè a sam tengaʼa, a ta gaɗa: Kinè, ndohi Galilée, kin zlatsa, a kin pi di a zhiklè èhèmè? Yèsu haha, man a do na zhiklè a sam di kinè, a da shkè a deɓa, lèmèlèmè ara man kin rka, man a dè na zhiklè.