Popular Bible Verses from ዮሃንሳ ምሽራቹዋ 21

Share

ኡንቱንቱ ቁማ ሜዳዋፐ ጉይያን፥ የሱስ ስሞን ጰጽሮሳ፥ “ዮሃንሳ ናኣ ስሞና፥ ታና ሀዋንቱፐ አደ ሲቃይ?” ያጌዳ። ስሞን ጰጽሮሰ፥ “ኤ ጎዳዉ፥ ታን ኔና ዶስያዋ ኔን ኤራሳ” ያጌዳ። የሱስ አ፥ “ታ ዶርሳ ማራቱዋ ሄማ” ያጌዳ። የሱስ ቃይካ፥ “ዮሃንሳ ናኣ ስሞና፥ ታና ሲቃይ?” ያጌዳ። ስሞን ጰጽሮሰ፥ “ኤ ጎዳዉ፥ ታን ኔና ዶስያዋ ኔን ኤራሳ” ያጌዳ። የሱስ፥ “ታ ዶርሳቱዋ ሄማ” ያጌዳ። የሱስ ሄዘንዋ፥ “ዮሃንሳ ናኣ ስሞና፥ ታና ዶሳይ?” ያጌዳ። የሱስ ሄዘንዋ ስሞን ጰጽሮሳ፥ “ታና ዶሳይ?” ያጊደ ኦቼዳ ድራዉ፥ ጰጽሮሰ ካዮቲደ፥ “ጎዳዉ፥ ኔን ኡባባ ኤራሳ፤ ታን ኔና ዶስያዋ ኔን ኤራሳ” ያጌዳ። የሱስ፥ “ታ ዶርሳቱዋ ሄማ።

ታን ነዉ ቱሙዋ ኦዳይ፤ ኔን ዎዳላተን ደእያ ዎደ፥ ነ ጼሳን ሳቂያ ኔረካ ዳንጫደ፥ ኔን ኮዬዳሳ ባሳ። ሽን ጭሜዳዋፐ ጉይያን፥ ነ ኩሽያ ምጫ በሳሳ። ኔና ሀራ ኡራይ ዳንጭሳናዋ፤ ኔን ዶሰናሳካ አፌ” ያጌዳ።

እ ዛሪደ፥ “ህንተንቱ ዳባ ዎንግርያፐ ኡሸቻ ባጋኮ የግተ፤ አማሬዳዋ ህንተንቱ ኦይቃና” ያጌዳ። ሄዋ ድራዉ፥ ዳባ ኡሸቻ ባጋኮ የግና፥ ሞሊ ዳሬዳ ድራዉ፥ ጎች ከሳናዌ ኡንቱንታ ጾኔዳ።

ስሞን ጰጽሮሰ ኡንቱንቶ፥ “ታን ሞልያ ኦይቃናዉ ባይ” ያጌዳ። ኡንቱንቱ፥ “ኑንካ ኔናና ባና” ያጊደ፥ ከሲደ ዎንግርያ ግዶ ገሌድኖ፤ ሽን ኡንቱንቱ ሄ ጋላስ ቃማ ሞልያ አይነ ኦይቂበይክኖ።