Popular Bible Verses from متا 16

Share

بأزین عیسا خو شأگردأنَ بوگفته: «اگه اینفر جٚه شومأن بٚخأیٚه می دونبأل بأیِه، وأستی خؤرَه خأطرَ ده و خو صلیبَ به چأنَ گیره و می جَا پیروی بوکونه.

و منم گم کی تو پطرس ایسی، ینی "صخره"، و من اَ صخره رو، می کیلیسایَ چأکونم، و جهندمٚ قودرتأن هیوخت نتأنِه اونَ نأبودَ کونه.

من آسمأنٚ ملکوتٚ کیلیدأنَ تٚرَه فأدٚم. اونچی کی زیمین رو دٚوٚدی، آسمأنٚ دورون هم دٚوٚستٚه بٚه، و اونچی زیمینٚ سٚر وأزَ کونی، آسمأنٚ دورونم وأزَ بٚه.»

هر کی بٚخأیٚه خو جأنَ نیجأت بٚده، اونَ جٚه دٚس دِهه؛ ولی هرکی می وأسی خو جأنَ جٚه دٚس بٚده، اونَ نیجأت دِهه.

چی فأیده دأره کی اینسأن تومأمٚ دونیأیَ ببره، ولی خو جأن جٚه دٚس بٚده؟ مگه چیزی شأ یأفتن کی اون جأنٚ جَا ویشتر بی‌اَرزٚه؟

بأزین وأوٚرسِه: «شومأن چی گیدی؟ شیمی نظر چیسه، من کی ایسٚم؟» شمعونٚ پطرس جوأب بٚدأ: «تو مسیح ایسی، زٚنده خودا پٚسر!»

عیسا بٚفرمأسته: «ای شمعون، یونا پٚسر، خوشبحألٚ تو! چون تو اَ حِئقتَ اینسأنٚ جَا نأموختی، بلکی می آسمأنی پئر اَنَ تٚرَه وأشکأفأنٚه.