Popular Bible Verses from متا 19

Share

عیسا اوشأنَ فأندرست و بٚفرمأسته: «اینسأنٚ فیکرٚ جَا اَ کأر ایمکأن نأرِه، ولی خودا رِه همه چی ایمکأن دأره.»

اَطویی، بأزون دِه دوتأ نییٚده بلکی ایتأ. پس اونچی کی خودا دوچوکأنه، اینسأن سیوأ نوکونٚه.»

عیسا جوأب بٚدأ: «مگه موقدسٚ کیتأبأنٚ دورون نٚخأندیدی کی دونیأ سٚرَ گیفتنٚ موقع، دونیأ خألیق "اَشأنَ مردأک و زنأی بٚوجود بأوٚرده" و بٚفرمأسته: "هنٚ وأسیه کی مردأی خو پئر و مأرٚ جَا سیوأ وأبه و خو زنأکَ دوچوکه، و او دو نفر ایتأ بٚده" .

عیسا بٚفرمأسته: «وئألید زأکأن بأیٚد می ورجأ و اَشأنی جولویَ نیگیرید. چون آسمأن ملکوت اوشأنی شینه کی، اَ زأکأنٚ مأنستَنٚده.»

ولی خٚیلیأن کی اَسه اوّل ایسأده، آخر بٚدأ و اوشأنی کی آخرٚده، اوّل.»

هر کی می وأسی خو برأر و خأخور، پئر و مأر و زأی، خأنٚه و زیمین جَا خو چومَ دٚوٚده، صد چندأن ویشتر یأفه و همیشٚکی زٚندیگیم بٚدٚس اَوٚره.

عیسا اونَ بوگفته: «اگه خأیی اَ رأیَ کأمیلَ کونی، بوشو و هرچی دأری بوفروش و اونی پولَ فأدٚن فِقِرأنَ کی تی گنج آسمأنٚ دورون بمأنه نه زیمینٚ سٚر! بأزون بیأ می جَا پیروی بوکون!»

عیسا بوگفته: «چٚره می جَا کأرٚ نیکو وأسی وأوٚرسی؟ فقد اینفر نیکو ایسه. ولی تی جوأبٚ رِه وأستی بٚگم کی اگه خودا حوکمأنَ حیفظ بوکونی، همیشٚکی زٚندیگی‌یَ تأنی بٚدأری.»

بأزم شٚمٚره گم، شوتورٚ دٚوأرٚستن سوزنٚ سولأخٚ دورون رأحتتره تأ ایتأ پولدأرٚ آدمٚ خودا ملکوتٚ دورون بشه.

و من شٚمٚره گم، هرکی خو زنأکَ جغرز خیأنٚت هر چی وأسی طلأقَ ده، و ایتأ دِه زنأکٚ اَمرأ عروسی بوکونٚه، زٚنأکأر بٚحیسأب اَیِه.»

بأزون عیسا خو شأگردأنَ بوگفته: «اَنَ بدأنید کی پولدأرأنٚ رِه آسمأنٚ ملکوتَ بودورون شؤئؤن خٚیلی سخته.