Popular Bible Verses from متا 24

Share

گونأ اَندر پٚخشَ به کی خٚیلیأن محبتٚ جَا سردَ بٚده. ولی هرکی تأ آخر، زحمتأنَ تحمول بوکونه، نیجأت یأفه.

«آخرپٚسی وختی اینجیل خورومٚ خٚوٚر تومأمٚ دونیأ آدمأنٚ گوش فأرٚسِه و همه اونی جَا وأخٚوٚرَ بوستٚد، بأزین دونیأ تومأنَ به.

جنگأنٚ خٚوٚر جٚه دؤر و نیزدیک شیمی گوش فأرٚسِه. ولی پریشأنَ نیبید چون جنگأن ایتفأق دکفیدی، ولی اَ زودیأن دونیأ تومأنَ نیبه.

قومأن و کیشورأن کس‌کسَ جنگٚ رِه دؤخأنده، و دونیأ جأجیگأیأنٚ دورون، قحطی و زیمین لرزه پیش اَیِه. ولی اَشأن تأزه زأستٚنٚ دردٚ شورو بوستنه.

«آسمأن و زیمین جٚه بین شٚده، ولی می کلام هیوخت جٚه بین نیشه.

چونکی خٚیلیأن می نأم اَمرأ اَیٚده، گده، "من مسیحم" و خٚیلیأنَ گومرأ کونٚده.

«بأزین شٚمٚره تسلیم کونٚده کی شکنجه بیبید، و شٚمٚره کوشٚده. تومأمٚ دونیأ آدمأن می نأمٚ وأسی شیمی جَا نیفرت گیرده. خٚیلیأن خوشأنی ایمأنٚ جَا وأگردٚد و کس‌کسَ تسلیم کونٚده و کس‌کسٚ جَا نیفرت اوسأنٚده خٚیلیأن ویریزٚد، خوشأنَ نبی دؤخأنده و خٚیلیأنَ گومرأ کونٚده.

عیسا اَشأنٚ بوگفته: «بٚپّأئید کسی شٚمٚره گومرأ نوکونه.

پس شومأنم آمأده بیبید، چونکی اینسأنٚ پٚسر او زمأت وأگرده کی کمتر اونی رأفأ ایسأییدی.

پس شومأنم آمأده بیبید چون نأنیدی شیمی خوداوند کو روجٚ رِه دووأره وأگرده.

ولی هیکس نأنِه کو روج و چی سأعتی دونیأ تومأنَ به، حتّا فٚرٚشته‌یأنم نأنٚده، خودا پٚسرم اونی ‌جَا خٚوٚر نأرِه. فقد می پئر خودا اونَ دأنه.

چون جٚه اَجور مسیحیأن و دورُغی پیغمبرأن خٚیلی اَیٚده و حتّا عجیب و غریبٚ موجیزه‌یأنٚم انجأم دٚهٚده، جوری کی اگه بوبوستی‌ بی حتّا خودا اینتخأب بوکوده‌یأنم جٚه رأ بٚدٚرَ کودیدی.

اینسأنٚ پٚسرٚ اَمؤنٚ وخت نوحٚ روجأنٚ مأنستَن به. قبلٚ توفأنٚ روجأن، پیشتر جٚه اَنکی نوح بشه کشتی دورون، مردوم عیش و نوش و میهمأنی و عروسی اَمرأ موشغول بود. او زمأت هیکس بأوٚر نوکودی کی رأس‌رأسِی توفأن اَیِه، ولی بیلأخره توفأن بأمؤ و اوشأنَ همّه خو اَمرأ ببرد. اینسأنٚ پٚسرٚ اَمؤنٚم هطو بِه.