Popular Bible Verses from HADUI DAHA' SIHU TUHAN 2

Share

Lun ken Petrus men daha', “Sayu nah ikam ngelisah kenep dahin duh ha'ut-ha'ut kam alem aran Yesus Kristus, anan nah aleng mebet sala kam, ikam pah seng ala Belua' Ma'ang, ket en Allah ih.

Lim daha' anan tangen lelan ngioh katuk daha' sihu Tuhan anan, dahin ji tua kenep, tutek lan pah daha' pepeng dahin mi'ang luti, dahin sebayang.

Lim daha' atih pah penu dahin Belua' Ma'ang, ateng daha' tengaran alem kuri-kuri na'an daho', ngioh awi dahun Belua' bara daha'.

Tenup-tenup nei nah ji daho' men langit awi dahun bahui aya' mihet dih, aleng na penu lim alem uma ngavan daha' melo' atih. Lun tula nah té' daha' atih kuri-kuri ket awi apui jam na' petat tua, tei nelekep ha'ut-ha'ut hujung daha' atih. Lim daha' atih pah penu dahin Belua' Ma'ang, ateng daha' tengaran alem kuri-kuri na'an daho', ngioh awi dahun Belua' bara daha'.

Ha'ut-ha'ut dau daha' em ketapah tei alem uma Allah dahin ji kenep, daha' pah kuman peji alem ha'ut-ha'ut uma daha' dahin melu dahin ji telujung tua kenep daha', dahin meju Allah, daha' pah sayu lelan kitan daha' lim atih. Ha'ut-ha'ut dau daha' sa' nei pi'at kahum kenan Tuhan aleng ma'uk urip daha' atih.

“Ken Allah, Tegu ha' jadi' dau baya, Akui seng muak Beluak té' ujung kelunan lim. Daha' anak-aké' kam dahin anak doh kam seng pedengah, dahin daha' nyemaké' kam seng nyineng kuri-kuri ket tula, dahin daha' laké' aleng uh dekaya' seng ngenyupé' kuri-kuri na'an nyupé'.

Lim daha' aleng nginah anan di pa'en peji, lim ketanun daha' pah peji. En daha' belé' nah daven daha', dahin petulan na' men ha'ut-ha'ut la'ung daha', pelemana' marung humé' daha'.

Tegu anan, hi-hi aleng ngetalau aran Tuhan iha' nah aleng murip.’

Matan dau seng tei lidem, bulan pah seng balui daha, men em payan dau Tuhan ateng, iha' tih dau aleng dekaya' dahin aleng en daha' hituk.