Popular Bible Verses from HADUI DAHA' SIHU TUHAN 9

Share

Bi Tuhan kuma' men iha', “Tei nah im, avin iha' nah ji pigen aleng Ek mili men Akui, seng pedengah aran Kui men daha' aleng alem adet ha' béh, dahin men laja'-laja', dahin men bengsa' Israel pah lahuh.

Pelalau payah nah iha' ha' tana, pelalau kelenghen na' nah ji daho' aleng kuma' men iha', “Saulus, Saulus, nun tavit na' ika' pekaté' Akui?” Lun kuma' nah iha', “Hi kah Ika', Tuhan?” Lun nyu'ei nah Iha' dahin kuma', “Akui nah Yesus, aleng im pekaté' anih.

Iha' nah Ananias tei leka', pelalau tei halem uma atih, dahin metei usu na' hujung na', ken na', “U harik Saulus, akui anih en Tuhan nyihu, Iha' tih Yesus aleng uh petula Iha' té' ika' té' alan aleng ngavam nei anan di, ja ika' jam nyineng la'an, ja ika' penu dahin Belua' Ma'ang lahuh.” Tegu atih pah legak nah ket awi urap men matan na', iha' pah pelalau jam nyineng la'an; peju nah iha', pelalau duh alem aran Tuhan.