Popular Bible Verses from YOHANES 15

Share

“Akui anih nah lung Bua Agun, kelo' nah da'an na'. Hi aleng melo' halem Kui, Akui pah halem na', iha' atih nah aleng ngebua jama. Iha' kelo' em peji Dahik, ji nun pah kelo' em deng na.

Sayu kelo' melo' halem Kui, Akui pah halem kelo'. Nuno' pah da'an agun em deng ngebua dep iha' ha' em peging té' iung na', piah anan pah kelo' em deng ngebua lahuh iha' kelo' em melo' teneng halem Kui.

“Iha' kelo' melo' halem Kui, Dahuk pah melo' halem kelo', akei nah aleng kenep kelo', anan pah seng té' kelan kelo'.

Nusi' ha' kelo' aleng mili Akui, Akui aleng mili kelo' dahin petneng kelo', ja kelo' tei ngebua, ja bua kelo' pah té' pa'en, ja nun-nun pah en kelo' kahi té' Tamei alem aran Kui, Iha' pah ma'uk na' men kelo'.

Nusi' té' halam ji kelunan aleng lalau dekaya' té' anih, ateng ha' tei matei tavit bakéh na'.

Ha'ut-ha'ut da'an halem Kui aleng em ngebua, en Na' netu, nurei pah ha'ut-ha'ut da'an aleng ngebua en Na' awang, ja ha' sa'-sa' ngebua jama.

Anih nah tebara Kui, sayu kelo' pehalam pedeng kelo' piah awi Akui uh nyalam kelo'.

Té' anih nah aren Tamak tula, iha' kelo' ngebua jama, nunan nah kelo' jadi' anak sekulah Kui.

“Aku nah Iung Bua Agun aleng lan, Tamak Iha' nah puboh na'.

Iha' ji kelunan em melo' halem Kui, pebet nah iha' awi da'an atih, pelalau kelubei nah iha', uh anan en daha' peng, en daha' sau alem apui, pelalau tutung nah.

“Té' pah lim-lim tuk anih Ek bara men kelo' ja lu Kui té' halem kelo', ja kelo' pah atek melu lelan.

Iha' kelo' ngioh lim tebara Kui, adang kelo' té' melo' alem halam Kui, piah awi Akui uh ngioh lim tebara Tamak dahin melo' alem halam Na'.

Anih nah tebara Kui men kelo' ja kelo' pehalam pedeng kelo'.

Awi kelo' men usun tana' adang usun tana dekaya' kenep té' kelo' avin kelo' ketanun na', bi avin kelo' em men usun tana anih, avin Akui uh mili kelo' men usun tana anih, iha' nah usun tana perah kenep té' kelo'.