Popular Bible Verses from LUKAS 8

Share

Aleng legak té' tana aleng sayu atih, iha' tih keluna aleng teneng dahin tutau alem kenep; tegu daha' uh kelenghi daho' atih, pelalau en daha' lo' nah té' alem kenep daha' dahin musang pah bua dahin aru kenep.”

Aleng legak té' hang uleng atih, iha' tih kelunan aleng uh kelenghi, bi alem daha' panau, tusah dahin kaya' dahin sayu kenep té' usun tana ngelawin daho' atih, ateng bua na' em nei la'ung.

Aleng legak té' bato' atih, iha' tih tegu daha' uh kelenghi na', pelalau daha' ala daho' atih dahin melu. Té' pah kelunan atih em té' pakat, avin daha' nginah jaki tua; tegu daha' ga' pesek, pelalau manyun nah daha'.

Ken Na' men dalo', “Hino' kah kinah kelo' dih?” Ngeniheng tua nah dalo' atih dahin takut, ken dalo' men ji la'ung dahin ji la'ung, “Hi kah kelunan anih pa? Tegu Iha' nyihu bahui dahin ata', daha' pah ngioh dahun Na,” ken dalo'.

Aleng legak té' béh alan atih, iha' nah kelunan aleng uh kelenghi, uh anan pelalau nei nah Iblis ala daho' atih men alem kenep daha', ja daha' em nginah dahin murip.

Avin ji-ji pah em té' ket aleng sihuk, adang ha' seng tula loh baya, dahin ket aleng lingen aleng em kitan daha' seng tula medau-medau baya.

Tegu doh atih uh jam batung na' seng em sihuk, nei nah iha' dahin ngetiwet dahin ngelu'ep ha' unan Na', pelalau bara lim tuk na' ha' unan daha' lim atih tavit iha' uh gem Iha', dahin nuno' tuk iha' nei magéh tegu atih. Ken Yesus men iha', “U anak Kui, kinah ka' uh petagéh ika'. Tei nah im dahin dena' kenep ka'.”

Pelalau tei nah dalo' megoh Iha', ken dalo', “Guru, Guru, patei tam nah anih!” Pelalau ma'un nah Iha', dahin mano' bahui dahin lupak atih. Bahui dahin lupak atih pah ngeta', pelalau ngeleneng nah.