Popular Bible Verses from MARKUS 12

Share

Yesus nyu'ei, “Tebara aleng kelalau dekaya', ‘Kelenghi nah ikam, u Israel, Tuhan Allah tam Iha' nah Tuhan aleng ji tua. Tekep ika' nyalam Tuhan Allah ka' dahin ji tua kenep ka', dahin lim-lim urip ka', dahin ketu-ketu hituk ka', dahin lim tu'a ka' lahuh.’ Aleng kedua' pah, nunih, ‘Tekep nah ika' nualam té' kelunan aleng ha' béh piah awi ika' nyalam batung ka' dep.’ Nusi' té' tebara aleng dekaya' men'uh dua' tebara anih,’ ken Na'.

En Na' duan nah dalo' anak sekulah Na', pelalau kuma' men dalo', “Dahuk lan men kelo', doh aleng debalo' aleng humé' anih uh metei ngahum lalau men'uh daha' lim aleng metei ligit alem ngavan sin Tuhan. Daha' aleng kaya' atih kahum kah en daha' tei bi huwin na tua atih, bi doh atih uh ma'uk ketu-ketu aleng hengan na',” ken Na'.

Melo' nah Iha' té' béh ngavan daha' melo' sin Tuhan, en Na' nyineng nah daha' metei sin halem. Té pah daha' aleng kaya' tih kahum lan pah en daha' tei lahuh. Nei nah ji doh debalo' aleng humé', en na' tei nah dua' li'ap iha' tih aleng sin ji tua.

Tana' ita' nyalam Iha' dahin ji tua kenep ta' dahin lim-lim jam ta', dahin lim-lim tu'a ta', ita' pah nyalam daha' aleng ha' béh piah awi ita' nyalam batung ta' dep, atih nah aleng kelalau dekaya' men'uh lim-lim ket en daha' pahun ih men Tuhan, dahin ket en daha' tevek tei laluh pah lahuh,” ken na'.

Ken Yesus, “Iha' nunan, en uk nah men Kaisar ket aleng anun Kaisar, dahin men Allah ket aleng anun Allah,” ken Na'. Ngeniheng nah daha' té' Iha'.