Popular Bible Verses from Seb 1

Share

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Wathi kubo: Kakusikho okwenu ukwazi isikhathi lemizuzu ayimisileyo uBaba ngamandla akhe

Kwathi ehlezi labo, wabalaya ngokuthi: Lingasuki eJerusalema, kodwa lilindele isithembiso sikaBaba elasizwa ngami; ngoba uJohane wabhaphathiza ngamanzi, kodwa lina lizakubhaphathizwa ngoMoya oNgcwele kungakadluli insuku ezinengi.

Wazibonakalisa kubo ephilile, emva kokuhlupheka kwakhe, ngobufakazi obunengi, wabonwa yibo insuku ezingamatshumi amane ekhuluma ngombuso kaNkulunkulu.

Kwathi esetshilo lokho, wakhutshulwa bemkhangele; iyezi lamsusa emehlweni abo.

Bathi besajolozele ezulwini esenyuka, amadoda amabili ema labo embethe ingubo ezimhlophe, athi: Madoda aseGalili, limeleni lijolozele ezulwini? UJesu lo, osuswe kini wenyuselwa ezulwini, uzakubuya njengalokho limbone esiya ezulwini.